Բարսելոնան շատ մոտ է երկու հրաշամանուկների հետ պայմանագրերի կնքմանը
Բարսելոնան չափազանց լրջորեն է մոտենում երիտասարդ տաղանդների փնտրտուքին և ակտիվորեն աշխատում է մի քանի հեռանկարային խաղացողների ձեռքբերման ուղղությամբ՝ նպատակ ունենալով հզորացնել պահեստային թիմը, իսկ հեռանկարում՝ նաև առաջին թիմը: Ինչպես արդեն հաղորդվել էր, Ալ Ահլիի դեռահաս հարձակվող Համզա Աբդելկարիմը Բարսայի գլխավոր թիրախներից է։ Ակումբն արդեն առաջարկ է ներկայացրել՝ հունվարին նրան վարձակալելու համար՝ հետագայում վերջնական գնման իրավունքով:
Այժմ, ըստ Football Espana-ի` Բարսելոնան հետևում է նաև Ջեսի Բիսիվուին։ Իրականում, Բարսայի ներկայացուցիչները արդեն հանդիպել են Բիսիվուի և նրա ներկայացուցիչների հետ՝ փորձելով համոզել նրան միանալ ակումբին: Ծրագիրն այնպիսին է, որ նա հիմնականում հանդես գա պահեստային թիմում՝ աստիճանաբար ներգրավվելով առաջին թիմի դինամիկայի մեջ:
Բիսիվուն, ով ներկայումս խաղում է Բրյուգեի պահեստային թիմում, հայտնի է եզրում իր պայթյունավտանգ արագությամբ: Բելգիայի հավաքականի կազմում Մ-17 Աշխարհի առաջնությունում նրա ելույթները աննկատ չեն մնացել ոչ Բարսայի, ոչ էլ այլ ակումբների կողմից: Բելգիացի վինգերը չի համարվում Բարսելոնայի բացարձակ առաջնահերթությունը, սակայն նա այն թեկնածուների ցանկում է, որոնցով ակումբը ցանկանում է ուժեղացնել կազմը:
Այսպիսով, կարելի է ասել, որ Բարսան շատ մոտ է երկու տաղանդավոր երիտասարդների հետ պայմանագրերի կնքմանը։
Վերջին նորությունները
