Դեկու. «Մեր նպատակը մնում է նույնը»
Բարսելոնայի սպորտային տնօրեն Դեկուն հանդես է եկել ակումբի հերթական ժողովում, որտեղ բացահայտել է ակումբի ամառային տրանսֆերային քաղաքականության մանրամասներն ու որոշումների տրամաբանությունը՝ կապված թե՛ նոր տրանսֆերների, թե՛ պայմանագրերի երկարաձգման հետ։
Չնայած ուշադրության մեծ մասը կենտրոնացած էր Ժոան Լապորտայի տնտեսական ելույթի վրա, Դեկուն ներկայացրեց նաև ակումբի սպորտային ուղղության հիմնական առաջնահերթությունները՝ ընդգծելով Լամին Յամալի, Ֆերմին Լոպեսի և Հանսի Ֆլիկի պայմանագրերի երկարաձգման կարևորությունը։
Յամալի և Ֆերմինի նոր պայմանագրերը
«Մենք երկարաձգեցինք Լամին Յամալի պայմանագիրը, և դա մեծ քայլ է՝ ոչ միայն նրա բացառիկ տաղանդի, այլև այն պատճառով, որ ապագայում նա կարող է դառնալ համաշխարհային ֆուտբոլի խորհրդանիշներից մեկը», — նշեց Դեկուն։
Նա հավելեց, որ նոր պայմանագրեր են կնքվել նաև մի շարք առանցքային ֆուտբոլիստների հետ՝
Վերջին նորությունները
«Երկարաձգեցինք պայմանագրերը Ֆերմինի, Պեդրիի, Գավիի, Ռոնալդ Արաուխոյի, Պաու Կուբարսիի և Ժերարդ Մարտինի հետ։ Բոլորը Բարսելոնայի ապագայի կարևոր մաս են կազմում»։
Դեկուն նաև հայտարարեց, որ Հանսի Ֆլիկի և նրա տեխնիկական շտաբի պայմանագրերը ևս երկարաձգվել են մեկ տարով, որպեսզի ապահովվի մարզչական կայունություն և կառուցվածքային շարունակականություն։
