Տրանսֆերներ
Մյունխենի Բավարիան ցանկանում է գնել Բարսելոնայի կիսապաշտպանին
Գերմանիայի չեմպիոն Մյունխենի Բավարիան 75 միլիոն եվրո է առաջարկել Բարսելոնայի կիսապաշտպան Դանի Օլմոյի տրանսֆերի դիմաց, հայտնում է Fichajes-ը։
Գերմանացիները վաղուց են հետևում Օլմոյին՝ տպավորված նրա տեխնիկական հմտությամբ և բազմակողմանիությամբ։ Նրանք վստահ են, որ իսպանացին հեշտ կհարմարվի Բունդեսլիգային՝ հաշվի առնելով նրա նախկին փորձը Լայպցիգում։
Չնայած Օլմոն Բարսելոնայի հետ պայմանագիր ունի մինչև 2030 թվականը, վնասվածքները խոչընդոտել են նրա խաղը, իսկ Ֆերմին Լոպեսը հիմնական կազմում զբաղեցրել է նրա տեղը։
Հաշվի առնելով ֆինանսական խնդիրները՝ Բարսելոնան կարող է դիտարկել առաջարկը։ 27-ամյա Օլմոն այժմ կանգնած է կարիերայի կարևոր որոշման առաջ՝ մնալ Կատալոնիայում, թե նոր փուլ մեկնարկել Մյունխենում։
Վերջին նորությունները
