Հանսի Ֆլիկի ասուլիսը՝ Սուպերգավաթի եզրափակիչի նախօրեին Ռեալ Մադրիդի դեմ
Հանսի Ֆլիկը լրագրողների հետ զրույցում խոսել է Բարսելոնայի պատրաստակամության, խաղի պլանի և թիմի մոտիվացիայի մասին, նախքան իսպանական Սուպերգավաթի եզրափակիչը Ռեալ Մադրիդի դեմ։ Հիշեցնենք, որ Էլ Կլասիկոն տեղի կունենա վաղը՝ ժամը 23:00-ին։
«Ես ուզում եմ տեսնել նույն խաղը, ինչ ցույց տվեցինք Աթլետիկ Բիլբաոյի դեմ։ Մենք խաղացինք որպես թիմ, որպես մի ամբողջություն, և հենց դա եմ ուզում տեսնել։ Ամեն ինչ, ինչ մենք ցանկանում ենք ցույց տալ մեր խաղի պլանում, խաղացողները նույնպես դրսևորեցին դաշտում, և դա ամենակարևորն է»։
Ի՞նչ իրավիճակում է ներկայումս Ռեալ Մադրիդը։
«Ռեալ Մադրիդի կազմում հիանալի խաղացողներ կան, ուստի նրանց թիմի որակը շատ բարձր է։ Բայց ես կենտրոնացած եմ իմ թիմի վրա, որովհետև կարևոր է, թե ինչպես ենք մենք խաղալու վաղը և ինչպես սկսելու հանդիպումը։ Սա եզրափակիչ է։ Մենք ուզում ենք տիտղոս նվաճել, իսկ մրցակիցը՝ Ռեալ Մադրիդն է։ Կարծում եմ, ավելի մեծ մոտիվացիա դժվար է գտնել։ Կլասիկոն ամբողջությամբ այլ հանդիպում է։ Մենք կփորձենք անել ամեն ինչ, որպեսզի վաղը հաղթենք։ Ամեն ինչ խաղի մասին է, և հենց դրա վրա ենք կենտրոնացած»։
Խաղացողները նախապատրաստվե՞լ են 11-մետրանոց հարվածների համար։
«Ոչ։ Խաղացողները սովորաբար ամեն պարապմունքից հետո մի քանի 11-մետրանոց հարված անում են, ուստի դա բնական է։
Վերջին նորությունները
Դա 90 րոպե խաղ է միմյանց համար և որպես թիմ։ Ահա դա եմ ուզում տեսնել եզրափակչում։ Խաղացողների համար հեշտ չէ, որովհետև բոլորը ցանկանում են խաղալ, բայց մենք ճիշտ որոշում կկայացնենք թիմի համար։
Ունեմ լավ զգացողություն իմ թիմի հանդեպ։ Կարծում եմ՝ նրանք ուզում են ապացուցել իրենց կարողությունները երկրպագուներին, ընտանիքներին և ակումբին, ինչպես նաև ինքնուրույն, որ կարող են խաղալ այս բարձր մակարդակով։ Սա է ինձ համար ամենակարևորը։ Ինչ վերաբերում է Մադրիդին, դա իմ մտահոգությունը չէ։
Կիլիան Մբապպեն ժամանել է Ջիդա՞։
«Ներկա պահին Մբապպեն լավագույն հարձակվողն է։ Նա շատ-շատ գոլեր է խփել, և նա աշխարհի մակարդակի խաղացող է»։
Արդյո՞ք Բարսելոնան ֆավորիտ է։
«Ոչ, ինձ դա չի հետաքրքրում։ Սա այն է, ինչ ասում են նախքան հանդիպումը։ Բոլորը տարբեր կարծիքներ ունեն, թե ինչ կարող է տեղի ունենալ եզրափակիչում։ Ռեալ Մադրիդը մեծ թիմ է, բայց մենք նույնպես ունենք ուժեղ կազմ։ Ինձ համար եզրափակիչները տարբեր են։ Կա եզրափակիչ, որը պարզապես եզրափակիչ է, բայց Ռեալ Մադրիդի դեմ հանդիպումն էլ ամբողջությամբ այլ է։ Կլասիկոն այն հանդիպումն է, որը ամբողջ աշխարհն ուզում է դիտել։ Մենք փորձում ենք անել մեր լավագույնը՝ հաղթելու համար, և հենց դրա պատճառով էլ չենք լսում այլ կարծիքներ։ Հանդիպման ընթացքում մրցակցելն է կարևոր։ Մենք պետք է կենտրոնանանք դրա վրա և հավատ ունենանք, որ կարող ենք հաղթել։ Ինձ համար սա է ամենակարևորը»։
Լամինը պատրա՞ստ է։
«Այո, Լամինը պատրաստ է։ Այժմ թիմի յուրաքանչյուր անդամ պատրաստ է լինել թիմի հետ՝ լինի նստարանին, թե խաղալու հնարավորություն ունենա։ Բոլոր խաղացողները մեզ հետ են, նույնիսկ վնասվածք ունեցողները մեր կողքին են՝ այժմ հատկապես Գավին և Անդրեաս Քրիստենսենը»։
Կայացրե՞լ եք մեկնարկային կազմի ընտրությունը, և Ֆերմինը կսկսի՞ խաղը
«Կտեսնենք։ Կանենք այնպես, ինչպես միշտ՝ վերջին մարզումն է մնացել, և վերջին մարզումից հետո կկայացնենք որոշումը։ Կարևորն այն է, որ յուրաքանչյուր դիրքում ունենք տարբերակներ, և դրանք իսկապես լավն են։ Մենք պարտավոր ենք հաղթել, դա է նպատակը»։
Բալդե՞ն և Կունդե՞ն։
«Ժամանակակից ֆուտբոլում ձախ և աջ պաշտպանները շատ կարևոր դիրք են համարվում, ուստի ես ուրախ եմ, որ երկուսին էլ ունենք։ Նրանք Աթլետիկի դեմ նույնպես լավ խաղացին, բայց վաղը այլ հանդիպում է։ Կարծում եմ՝ մենք կհանդիպենք ամենաբարձր որակի խաղացողներին եզրերում, ուստի շատ կարևոր է, որ նրանք խաղան իրենց առավելագույն մակարդակով»։
Կիլիան Մբապպեի և Բարսայի բարձր պաշտպանական գծի մասին
«Դուք ստիպված եք ինձ օգնել։ Գիտե՞ք, վերջին մեկուկես տարվա ընթացքում քանի Կլասիկո ենք խաղացել և պարտվել նաև։ Մեկ պարտություն ունեցանք, լավ։ Դա է պատճառը։ Ես գիտեմ, որ Մբապպեն հիանալի խաղացող է, և վերջին գծից հետո բաց տարածքներում նա բացառիկ է։ Բայց մեզ համար խաղի բնույթը մրցակցելն է աշխարհի լավագույն թիմերից մեկի դեմ։ Մենք որոշ բաներ կհամապատասխանեցնենք, ինչպես միշտ անում ենք, բայց սա ոչ միայն Մբապպեի մասին է։ Սա վերաբերում է Ռեալ Մադրիդին և նրան, թե ինչպես ենք ուզում խաղալ։ Նաև մեր սպասելիքներին՝ կապված նրանց գործողությունների հետ։ Բայց մենք կենտրոնանում ենք մեր փիլիսոփայության և խաղի գաղափարի վրա։ Մենք ուզում ենք խաղալ ինչպես Բարսան»։
Ո՞րն է ավելի կարևոր՝ Էրիկի տված կայունությո՞ւնը, թե՞ Ֆրենկի դե Յոնգի գնդակով խաղը։
«Դա կտեսնենք վաղը։ Ես գոհ եմ չորեքշաբթի օրվա մեր ելույթից, բայց, ի վերջո, պետք է տեսնել, թե ինչ կանենք վաղը։ Ժերար Մարտինը, Էրիկը և Ֆրենկին ֆանտաստիկ մրցաշրջան են անցկացնում։ Կհետևենք վերջին մարզմանը և կորոշենք»։
Արդյո՞ք Արաուխոն կարող է լինել պահեստայինների թվում այս կիրակի։
«Այո»։
Աղբյուր՝ AS։
