Ֆուտբոլիստն ակնարկել է իր հավանական տեղափոխությունը Բարսելոնա
Էտտա Էյոնգը նորից ակնարկներ է անում Բարսային՝ այս անգամ իր ֆուտբոլային կուռքերի մասին խոսելիս։
Լևանտեի և Կամերունի հավաքականի 22-ամյա հարձակվող Էտտա Էյոնգը այն տարբերակներից մեկն է, որին դիտարկում է Բարսելոնան՝ Ռոբերտ Լևանդովսկուն փոխարինելու համար, երբ լեհ հարձակվողի պայմանագիրը կապտանռնագույնների հետ ավարտվի հունիսի 30-ին։ Լևանտեի խաղացողը դարձել է Լա Լիգայի սենսացիաներից մեկը, և նրա գինը՝ 30 միլիոն եվրո իսպանական թիմերի համար և 40 միլիոն եվրո օտարերկրյա թիմերի համար, նրան դարձնում է շատ գրավիչ խաղացող։
Երկու շաբաթ առաջ MD-ն հայտնել էր, որ ֆուտբոլիստը ցանկանում է իր ապագայի հարցը լուծել հունվարին և մինչև մրցաշրջանի ավարտը վարձավճարով մնալ Լևանտեում, ինչպես նաև ներկայացրել էր նրա 17-ամյա լուսանկարը՝ Բարսայի մարզաշապիկով։
SportyTV-ի հարցազրույցի երկրորդ մասում Էտտա Էյոնգը կրկին ակնարկում է իր նախապատվությունը Բարսելոնայի նկատմամբ՝ հիշատակելով իր մանկության կուռքերին՝ Սամուել Էտո՚օին և Լեո Մեսսիին։
Վերջին նորությունները
Իր հայրենակցի՝ այժմ նաև երկրի ֆուտբոլի ֆեդերացիայի նախագահի մասին Էտտա Էյոնգը նշել է, որ փոքր ժամանակ դիտում էր Էտո’օի խաղերը Բարսելոնայում։Ինչ վերաբերում է Լեո Մեսսիին, Էտտա Էյոնգը նշել է, որ նա իր համար լավագույնն է, և նրա հետ խաղալը կլիներ երազանք, որից ինքը չէր ցանկանա արթնանալ։
Բարսայի նկատմամբ իր նախապատվությունը կուռքերի միջոցով ցույց տալուց բացի՝ Էտտա Էյոնգը խոսել է նաև իր մեծ ֆուտբոլային հավակնությունների մասին։ Ըստ նրա՝ երկու տարի հետո իրեն պատկերացնում է արդեն հաղթած Չեմպիոնների լիգան, և ինչու չէ՝ նույնիսկ մեկ տարի հետո։
Իսկ Աֆրիկայի գավաթը նրա առաջիկա ամիսների հիմնական նպատակներից է։ Կյանքում ամենակարևորը ուղեղն է. եթե կենտրոնացում չունես, ամեն ինչ կկորցնես, – ասել է նա՝ խոսելով իր մտածելակերպի մասին։
