ՉԼ
Բարսելոնան վախենում է պատմության կրկնությունից
Դեկտեմբերի 10-ին կայանալիք Բարսելոնա – Ֆրանկֆուրտ դիմակայությունը կլինի Չեմպիոնների Լիգայում առաջին հանդիպումը, որը կանցկացվի նոր Կամպ Նոուում։
Սակայն անցած անգամ, երբ Բարսան տանը խաղաց Ֆրանկֆուրտի դեմ, Այնտրախտի երկրպագուները գրավել էին Կամպ Նոուն, և որոշ տվյալներով` 30000 գերմանացի երկրպագու կար այդ օրը։
Ըստ Mundo Deportivo-ի` Կատալոնական ակումբը, որն արդեն իսկ փորձ ունի 2023 թվականի փետրվարին Բարսելոնա – Մանչեսթեր Յունայթեդ խաղում տոմսերի գնման համար սահմանափակումներ դնելու, չի բացի իր ֆիզիկական տոմսարկղերը և կուժեղացնի IP հասցեների վերահսկողությունը։ Բարսելոնայի կայքից ևս հնարավոր չի լինի տոմսեր գնել, իսկ տոմսերը կլինեն երկրպագուների անունով և մարզադաշտ պետք է ներկայանան սոսիոյի քարտով, կամ ակումբին հայտնեն տոմսի փոխանցման մասին։
Վերջին նորությունները
