Ռեալ Մադրիդը ցանկանում է գնել Բարսելոնայի երիտասարդին
Ի տարբերություն Բարսելոնայի, Ռեալ Մադրիդը նախկինում այդքան էլ հետաքրքրված չէր տարիքով փոքր ֆուտբոլիստներով։ Սակայն վերջին տարիներին Մադրիդյան ակումբը ևս սկսեց ձեռք բերել երիտասարդների. Արդա Գյուլեր, Ֆրանկո Մաստանտուոնո, Էնդրիկ։
Fichajes-ի փոխանցմամբ՝ սերուցքայինների նոր թիրախը Լա Մասիայի 15-ամյա ֆուտբոլիստ Էբրիմա Տունկարան է, որի պայմանագիրը ավարտվում է 2026-ին։ Չնայած տարիքին՝ նա համարվում է ակադեմիայի ամենակարևոր տաղանդներից մեկը և կարող է դառնալ առաջին թիմի ապագա աստղ։
Տունկարան կարող է հանդես գալ թե՛ կիսապաշտպանությունում, թե՛ ձախ եզրում, ինչը գրավել է Ռեալ Մադրիդի ուշադրությունը։ Բարսելոնան, սակայն, չի ցանկանում նրան բաց թողնել և պատրաստվում է առաջարկել նոր պայմանագիր։
Պայմանագրի ժամկետի ավարտի մոտենալով՝ որոշումը մեծապես կախված է հենց խաղացողից։ Մեկ կողմում իր մանկության ակումբն է, մյուսում՝ գլխավոր մրցակիցը՝ ավելի շահավետ պայմաններով։ Ապագա ամիսները վճռորոշ կլինեն նրա ընտրության համար։
Վերջին նորությունները
