Որքա՞ն ժամանակ կբացակայի Բարսայի կիսապաշտպանը
Ռաֆինյան շարունակում է խնդիրներ ունենալ աջ ոտքի ազդրի երկգլուխ մկանի հետ, ինչի հետևանքով նրա վերադարձը խաղադաշտ հետաձգվելու է ևս մի քանի շաբաթով՝ առանց հստակ ժամկետ նշելու։ Իսպանացի լրագրող Խավի Միգելի տեղեկացմամբ՝ բրազիլացին ամենայն հավանականությամբ բաց կթողնի շուրջ երեք շաբաթ։
Բրազիլացի եզրային հարձակվողը բաց կթողնի Ռեալ Մադրիդի դեմ Էլ Կլասիկոն, ինչպես նաև, ամենայն հավանականությամբ, մի քանի գալիք հանդիպում։ Ուրբաթ օրվա մարզման ընթացքում նա լավ չի զգացել իրեն, և մարզչական շտաբը չի ցանկանում ռիսկի դիմել նրա վերադարձի հարցում։
Նպատակը եղել է նրա մասնակցությունը Կլասիկոյին, սակայն, քանի որ Ռաֆինյան արդեն դուրս է մնացել «սերուցքայինների» դեմ խաղից, շտապելու կարիք այլևս չկա։ Ակումբում չեն ցանկանում նրան ստիպել վերադառնալ նախքան լիարժեք ապաքինվելը։
Ինչպես հայտնում է Mundo Deportivo-ն, կապտանռնագույնների հանդերձարանում կարծում են, որ գուցե չափազանց շտապել են նրա վերադարձի հարցում, սակայն այժմ առաջնայինը լիարժեք ապաքինումն է, որպեսզի Ռաֆինյան կարողանա առանց բարդությունների վերադառնալ և կրկին դառնալ Հանսի Ֆլիկի մարտավարական սխեմայի առանցքային մասնիկը։
Վերջին նորությունները
Ռաֆինյայի բացակայությունը զգալի է եղել Բարսելոնայի վերջին խաղերում, հատկապես հարձակողական գծում պրեսինգի առումով։ Այնուամենայնիվ, Բարսայի ֆուտբոլիստները վստահ են, որ կկարողանան հաղթահարել նրա բացակայությունը և երեք միավոր վաստակել Սանտյագո Բեռնաբեուում կայանալիք Կլասիկոյում։
