Նոր 9 համար․ Ա Սերիայի երբեմնի սուպերաստղը` Լևանդովսկու փոխարինող
Բարսելոնան հաջորդ մրցաշրջանի համար ուժեղ կենտրոնական հարձակվող է փնտրում, հատկապես հաշվի առնելով 37-ամյա Ռոբերտ Լևանդովսկու ապագայի շուրջ առկա անորոշությունը։
Ըստ Mundo Deportivo-ի տեղեկությունների՝ Գալաթասարայի և Նիգերիայի հավաքականի աստղային հարձակվող Վիկտոր Օսիմհենը դարձել է իսպանական գրանդի գլխավոր տրանսֆերային թիրախներից մեկը։
Օսիմհենը դիտարկվում է որպես կատալոնական ակումբի առանցքային նպատակ. «բլաուգրանան» ուշադիր հետևում է նրա խաղին։
Սակայն այս փուլում կողմերի միջև բանակցություններ չեն սկսվել, և տրանսֆերի պաշտոնական առաջարկ չի եղել։ Կատալոնական ակումբը մտադիր է ուշադիր հետևել Լևանդովսկու շուրջ ստեղծված իրավիճակին՝ նախքան նիգերիացի հարձակվողի հնարավոր տեղափոխության մասին որոշում կայացնելը։
Վերջին նորությունները
Այս մրցաշրջանում Օսիմհենը բոլոր մրցաշարերում Գալաթասարայի կազմում անցկացրել է 9 հանդիպում և դարձել 6 գոլի հեղինակ։
