Մարկուս Ռեշֆորդ. «Նույն 11 խաղացողները չեն կարող հաղթել ամեն խաղում»
Լա Լիգայի 11-րդ տուրում Բարսելոնան սեփական հարկի տակ հաղթեց Էլչեին 3-1 հաշվով։ Խաղի ընթացքում իր արդյունավետ գործողություններով և խփած գոլով աչքի ընկավ Մարկուս Ռեշֆորդը։ Խաղից հետո նա կիսվեց իր տպավորություններով՝ խոսելով թե՛ թիմի, թե՛ իր խաղի մասին՝ Mundo Deportivo-ին տված հարցազրույցում։
Ռեշֆորդը նշեց. «Փորձում եմ անել առավելագույնը։ Այսօր կարողացա ավելի լավ գործել, և ուրախ եմ իմ մեկնարկով։ Մենք պետք է շարունակենք թիմ մնալ։
Մենք քրտնաջան աշխատեցինք հաղթանակի համար։ Գնում ենք խաղից խաղ»։
Ռեշֆորդը նաև ընդգծեց հաղթանակի կարևորությունը․ «Այո, սա շատ, շատ կարևոր հաղթանակ է։ Պարտությունից հետո միշտ կարևոր է հաղթել հաջորդ խաղում, դա ամենակարևորն է։
Վերջին նորությունները
Ընդհանուր առմամբ, ես այսօր իսկապես ուրախ եմ։ Իհարկե, վստահությունը ֆուտբոլում էական նշանակություն ունի, իսկ այն կառուցելու միակ միջոցը քրտնաջան աշխատանքն ու հաղթական խաղերն են:
Ճիշտ է, մենք բազմաթիվ վնասվածքներ ունենք, բայց սա ֆուտբոլ է, և նույն 11 խաղացողները չեն կարող հաղթել յուրաքանչյուր խաղում։ Մենք պետք է շարունակենք խաղալ որպես մեկ թիմ և ցուցաբերենք մարտական ոգի ու միասնություն»։
Ռեշֆորդն ընդգծեց, որ իր ուշադրությունը կենտրոնացած է թիմակիցների հետ կապի և ներդաշնակության վրա, և ասաց, որ ներկայում հենց այդպես էլ զգում է․«Իմ կարծիքով, եթե ես ճիշտ բաներ անեմ խաղադաշտում և թիմի հետ, միշտ կկարողանամ գոլեր խփել ու ստեղծել։ Իմ ուշադրության կենտրոնում է թիմակիցներիս հետ կապ հաստատելը և նրանց հետ ներդաշնակ զգալը, և հենց այդպես էլ ես զգում եմ հիմա»։
