Լևանդովսկին կարող է նոր արդյունք գրանցել
Ռոբերտ Լևանդովսկուն ընդամենը տասը գոլ է բաժանում Բարսելոնայի բոլոր ժամանակների տասը լավագույն ռմբարկուների ցուցակ մտնելուց։
Երեք մրցաշրջան և չորրորդ մրցաշրջանի երեք ամիս անցկացնելուց հետո Ռոբերտ Լևանդովսկին աստիճանաբար իր տեղն է զբաղեցնում Բարսելոնայի պատմության մեջ։ Երբ նա 2022 թվականի ամռանը ժամանեց կատալոնական մայրաքաղաք, ակումբում կային մարդիկ, ովքեր նրա տեղափոխությունը՝ իր մասշտաբով և ոգևորությամբ, համեմատում էին Ռոնալդինյոյի տեղափոխության հետ։ Այժմ, լինելով երկրորդ պլանում, բայց նույնքան վճռական, նա պատրաստվում է մտնել ակումբի պատմության լավագույն ռմբարկուների շարք։
Լա Լիգայի վերջին խաղում՝ Բալիադոսում խփած երեք գոլի շնորհիվ, Լևանդովսկին Բարսայի մարզաշապիկով հասավ 108 գոլի, ինչի արդյունքում հավասարվեց Լուիս Էնրիկեին։ Լեհ հարձակվողի առաջ այժմ գտնվում են Էստանիսլաո Բասորան (110), Խրիստո Ստոյչկովը (117) և Ժոզեպ Էսկոլան (120), որի հետ նա կհավասարվի՝ տեղ գրավելով լավագույն տասնյակում։
Ըստ Mundo Deportivo-ի, 120 գոլի հասնելու դեպքում նրանից ընդամենը երկու գոլ հեռու կլինեն Կառլես Ռեշաչը և Պատրիկ Կլյուվերտը, որոնք ունեն 122 գոլ։ Ավելին՝ նրա առաջ են Մարիանո Մարտինը (129), Ռիվալդոն և Սամուել Էտո’Օն (երկուսն էլ՝ 130 գոլ)։ Առաջին չորս տեղերը, փաստացի, անհասանելի են՝ Լասլո Կուբալա (193), Լուիս Սուարես (195), Սեզար Ռոդրիգես (226) և Լեո Մեսսի (672)։
Վերջին նորությունները
Բարսայում անցկացրած տարիների ընթացքում Լևանդովսկին դարպասը գրավել է միջինում յուրաքանչյուր 113 րոպեն մեկ։ Կապտանռնագույնների պատմության լավագույն 100 ռմբարկուների թվում նրան գերազանցում են միայն Մեսսին (յուրաքանչյուր 95 րոպեն մեկ), Մարիանո Մարտինը (101) և Ժոզեպ Սամիտյերն (108)։
Համեմատության համար՝ Լևանդովսկին իր նախորդ ակումբներում՝ Դորտմունդի Բորուսիայում, գոլ է խփել յուրաքանչյուր 139, իսկ Բավարիայում՝ յուրաքանչյուր 92 րոպեն մեկ։
