Լա Լիգայում լարվածություն է
Լա Լիգայի առաջնությունը վերսկսվել է միջազգային դադարի ավարտից հետո, և 9-րդ տուրի առաջին հանդիպումը՝ Ռեալ Օվիեդո – Էսպանյոլ, վերածվել է բողոքի ակցիայի։
Ինչպես հաղորդում են իսպանական լրատվամիջոցները, մրցավար Մատեո Բուսքետսի սուլիչից հետո երկու թիմերի ֆուտբոլիստները չեն մեկնարկել խաղը մոտ 15–20 վայրկյան, սակայն Լա Լիգան այդ հատվածը չի հեռարձակել։
Ակցիան կազմակերպվել է Իսպանիայի Ֆուտբոլիստների Ասոցիացիայի (AFE) կողմից՝ ի նշան բողոքի Լա Լիգայի որոշման դեմ՝ Վիլյառեալ–Բարսելոնա հանդիպումը դեկտեմբերի 20-ին տեղափոխելու Մայամի։
Ակցիայի նպատակն է ցույց տալ ֆուտբոլիստների դժգոհությունը՝ առանց նրանց համաձայնության կայացված որոշման նկատմամբ։ Ասոցիացիան հայտարարել է, որ նմանատիպ բողոքի դադարներ կանցկացվեն նաև այս շաբաթավերջին նախատեսված Լա Լիգայի բոլոր խաղերում։
Վերջին նորությունները
Միևնույն ժամանակ, Բարսելոնայի և Վիլյառեալի ֆուտբոլիստները բացառվել են նախաձեռնությունից, որպեսզի ակցիան չընկալվի որպես քայլ՝ ուղղված որևէ ակումբի դեմ։
AFE-ի պաշտոնական հայտարարությունում նշվում է.
📄 COMUNICADO | AFE ANUNCIA UNA ACCIÓN DE PROTESTA AL INICIO DE LOS PARTIDOS DE LA 9ª JORNADA DE LALIGA
— AFE (@afefutbol) October 17, 2025
Toda la información 👇🏼https://t.co/HuPsRhErhd
«Իսպանիայի Ֆուտբոլիստների Ասոցիացիան կտրականապես մերժում է այն նախագիծը, որը չի ստացել սպորտի գլխավոր դերակատարների՝ ֆուտբոլիստների համաձայնությունը։ Մենք պահանջում ենք բանակցային սեղանի ստեղծում, որտեղ կներկայացվի ամբողջ տեղեկատվությունը, կքննարկվեն ծրագրի առանձնահատկությունները, ինչպես նաև կերաշխավորվեն խաղացողների աշխատավորական իրավունքները և գործող կանոնակարգերին համապատասխանությունը»։
Ասոցիացիան նաև քննադատել է Լա Լիգայի կողմից նշանակված հանդիպման ամսաթվերը՝ հոկտեմբերի 8-ից առաջ, երբ դեռևս չէր հայտարարվել իրենց առարկությունը։
Ի պատասխան՝ Լա Լիգան հիշեցրել է, որ վերջին տասնամյակում ավելի քան 100 միլիոն եվրո է փոխանցել ֆուտբոլիստների միությանը։ Այնուամենայնիվ, լարվածությունը շարունակում է պահպանվել երկու կառույցների միջև, քանի որ կողմերը պատրաստվում են հաջորդ բանակցություններին՝ որոշելու, թե ինչպես պետք է կարգավորվի իսպանական ֆուտբոլի արտերկրում անցկացվող հանդիպումների հարցը։
