Բարսելոնայի առաջատար ֆուտբոլիստը արժանացել է ազգային բարձր պարգևի
Բարսելոնայի հարձակվող Ռոբերտ Լևանդովսկին Լեհաստանում արժանացել է Bene Merito հեղինակավոր մեդալին՝ երկրի միջազգային հեղինակության բարձրացման գործում ունեցած ներդրման համար։
Ըստ SPORT-ի՝ լեհ ֆուտբոլիստը հինգշաբթի օրը այցելել է Վարշավա՝ մասնակցելու Totalizator Sportowy-ի 70-ամյակի գալա-երեկոյին, որտեղ նա եղել է գլխավոր հյուրերից մեկը։
2009 թվականին հիմնադրված Bene Merito մեդալը շնորհվում է այն անձանց, ովքեր արտերկրում հանդես են եկել որպես Լեհաստանի դեսպաններ։ Լևանդովսկին պարգևատրվել է իր փայլուն ակումբային և ազգային կարիերայի, ինչպես նաև հայրենիքը արժանապատվորեն ներկայացնելու համար։
Պարգևատրումից հետո նա նշել է, որ հպարտ է լեհ լինելու համար, իսկ գալա-երեկոյից անմիջապես հետո վերադարձել է Իսպանիա և միացել Բարսելոնայի մարզումներին՝ կենտրոնանալով Վիլյառեալի դեմ առաջիկա խաղի վրա։
Վերջին նորությունները
