Բարսելոնան կպայքարի երիտասարդ պաշտպանի համար
Բարսելոնան շարունակում է ձախ պաշտպանի խնդրի երկարաժամկետ լուծման որոնումները՝ ուշադրությունը կենտրոնացնելով Բրազիլիայի ամենախոստումնալից պաշտպաններից մեկի՝ Ժոաո Վիկտոր Սոուզայի վրա։ Mundo Deportivo-ի տեղեկություններով՝ Սանթոսի 19-ամյա ֆուտբոլիստը դարձել է կապտանռնագույնների գլխավոր թիրախներից մեկը։
Ըստ Բրազիլիայի աղբյուրների՝ Բարսելոնան պատրաստում է €12-15 միլիոնանոց պաշտոնական առաջարկ, իսկ Սանթոսը պատրաստ է ընդունել ակումբի ներկայացուցիչին՝ բանակցությունները արագացնելու համար։ Միևնույն ժամանակ Սոուզայի գործակալը՝ Ջուլիանո Բերտոլուչին, արդեն Եվրոպայում է և սպասում է առաջարկի ժամանմանը։
Սոուզան այս սեզոնին ամուր տեղ է հաստատել Սանթոսի առաջին թիմում՝ ունենալով 26 խաղ, 1 գոլ և 2 գոլային փոխանցում։ Նրա պայմանագիրը գործում է մինչև 2028 թվականը, իսկ 2023-ի Մ-17 Աշխարհի առաջնությունում նրա ելույթները ուժեղացրել են նրա հեղինակությունը որպես Բրազիլիայի հավանական նոր աստղ։
Ֆուտբոլիստի նկատմամբ հետաքրքրություն են ցուցաբերել նաև Նիդերլանդների ակումբներ ու վերջերս՝ նաև Բավարիան, ինչը հնարավոր է ստեղծի մրցակցային պայքար նրա տրանսֆերի համար։
Վերջին նորությունները
