Բարսան պաշտպանության համար տարբերակ է գտել Սերիա Ա-ում
Ըստ Mundo Deportivo-ի հաղորդման՝ Ինտերը պատրաստ է բաժանվել Ստեֆան դե Վրեյից, սակայն միայն մեկ հստակ պայմանով. իտալական հսկաները պետք է նախապես ձեռք բերեն նոր կենտրոնական պաշտպան։ Վերջին օրերին Դե Վրեյը դիտարկվում է որպես պոտենցիալ կարճաժամկետ լուծում Բարսելոնայի համար, որն ակտիվորեն ուսումնասիրում է տրանսֆերային շուկայի հնարավորությունները հունվարյան պատուհանից առաջ։
Քանի որ պաշտպանության գծում լուրջ խնդիրներ կան, Բարսան փնտրում է փորձառու խաղացողների, որոնց տրանսֆերը մեծ ֆինանսական ծախսեր չի պահանջի, և Ստեֆանը լիովին համապատասխանում է այդ չափանիշներին։
Ֆուտբոլիստի կարգավիճակը միլանյան ակումբում զգալիորեն փոխվել է վերջին մեկ տարվա ընթացքում։ Նրա պայմանագրի ժամկետն ավարտվում է մրցաշրջանի վերջում, և ակումբն արդեն ակնարկել է, որ այն երկարաձգելու մտադրություն չունի։ Բացի այդ ֆուտբոլիստը սկսել է քիչ խաղաժամանակ ստանալ և առանցքային դեր չունի թիմում։ Կանոնավոր խաղաժամանակ ստանալու համար տրանսֆերը դառնում է անհրաժեշտություն։
Այսպիսով Բարսայի համար ստեղծվել են անհրաժեշտ պայմաններ տրանսֆերի իրականացման համար, սակայն ամեն ինչ կախված է Ինտերի հետագա քայլերից, քանի որ նա պետք է նոր պաշտպան ձեռք բերի և հարմարեցնի ֆինանսական հարցերը։
Վերջին նորությունները
