Բարսելոնան առաջընթաց է գրանցում հարձակվողի տրանսֆերի հարցում

Հունվարյան տրանսֆերային պատուհանի ընթացքում Բարսելոնան իրականացրել է երեք երիտասարդական համալրում՝ պայմանագիր կնքելով Ջուվենսլի Օնստենի, Համզա Աբդելկարիմի և Պատրիսիո Պասիֆիկոյի հետ, որոնք կմիանան Բարսա Ատլետիկին։

Բացի այդ, կատալոնական ակումբը ևս մի քանի գործարք ունի ընթացքի մեջ․ Նորվիչ Սիթիի տաղանդավոր երիտասարդ Աջայ Տավարեսի տեղափոխությունը սպասվում է մոտ ժամանակներս, իսկ պաշտպանական դիրքում հանդես եկող Ռուդ Նեյստադը ճանապարհին է Տվենտեից։

Կլուբ Բրյուգեի 18-ամյա վինգեր Ջեսսե Բիսիուն նույնպես գտնվում է Բարսելոնայի ուշադրության կենտրոնում, և աշխատանքներ են տարվում նրա տրանսֆերը կյանքի կոչելու ուղղությամբ։

Բարսելոնան կոնկրետ քայլեր է ձեռնարկում Բիսիուի համար

SPORT-ի հաղորդմամբ՝ Բարսելոնայի նպատակը առաջիկա ամիսներին առաջընթաց գրանցելն է, որպեսզի գործարքը լինի առավել զարգացած փուլում և հնարավոր լինի այն ավարտին հասցնել հունիսին։ Թեև որևէ փաստաթուղթ դեռ ստորագրված չէ, արդեն իսկ իրականացվել են կարևոր քայլեր։

Վերջին նորությունները

1 տարի, 2000+ երկրպագու ու լեփ-լեցուն սրահներ․ Ինչպես «Երևան Բարսելոնիստան» փոխեց ֆուտբոլային մշակույթը

VAR-ի շուրջ նոր աղմուկ․ Ֆրենկի դե Յոնգը խոսեց «սկանդալի» մասին

Բարսելոնայի սկանդալային պարտության գաղտնիքը՝ VAR-ը ձախողեց կարևոր պահին

Ակումբի տնօրեն Դեկուն և սկաուտական բաժնի ղեկավար Ժոաու Ամարալը անցյալ շաբաթ մեկնել են Բելգիա՝ հանդիպելու ֆուտբոլիստի ներկայացուցիչների հետ։

Ֆուտբոլիստին մոտ կանգնած աղբյուրները հաստատում են հանդիպման կայացումը և նշում, որ Բարսելոնայի հետ մեկտեղ մի շարք եվրոպական խոշոր ակումբներ նույնպես ուշադիր հետևում են Բիսիուի առաջընթացին և լրջորեն դիտարկում նրա ձեռքբերման հնարավորությունը։

Միևնույն ժամանակ, Կլուբ Բրյուգեն ընդունում է, որ տեղյակ է Բարսելոնայի հետաքրքրության մասին, սակայն շեշտում է, որ Դեկուն կամ Ամարալը երբևէ պաշտոնապես չեն դիմել ակումբին՝ ֆուտբոլիստին ձեռք բերելու մտադրությամբ։

Բելգիական ակումբի դիրքորոշումը հստակ է․ նրանք պատրաստվում են ամեն ինչ անել՝ երիտասարդի պայմանագիրը երկարաձգելու համար, իսկ ապագա հնարավոր վաճառքի դեպքում չեն պատրաստվում զիջումների գնալ։

Կլուբ Բրյուգեն արդեն որոշ ժամանակ է՝ աշխատում է Բիսիուի համար գրավիչ նոր պայմանագրի վրա՝ լավ գիտակցելով նրա մեծ ներուժը։ Չնայած պայմանագրի երկարաձգումը բացառված չէ, ֆուտբոլիստն ունի նաև գայթակղիչ առաջարկներ, որոնք հնարավորություն կտան շարունակել զարգացումը ակումբից դուրս։

Հաղորդվում է, որ Բիսիուն առաջնահերթություն է տալիս Բարսելոնայի նախագծին՝ գրավված լինելով երիտասարդների զարգացմանը մեծ ուշադրություն դարձնող կառուցվածքով։

Քանի որ գործարքի հիմքերը արդեն դրված են, բլաուգրանան հույս ունի առաջիկա շաբաթներին ևս առաջընթաց գրանցել՝ ամռանը ապահովելու 18-ամյա վինգերի ծառայությունները։

Հեղինակ՝ Anna