Բարսան նոր թիրախ ունի պաշտպանական գծի համար
Բարսելոնան 2026 թվականի ամռան համար նոր կենտրոնական պաշտպան ձեռք բերելը դարձրել է առաջնահերթություն։ Ինյիգո Մարտինեսի հեռանալը մեծ բաց է թողել թիմում, որը կատալոնական ակումբը մտադիր է լրացնել հաջորդ տարի՝ չնայած վերջին շաբաթներին Ժերար Մարտինը որոշ չափով լուծում է առաջարկել այդ դիրքում։ Բարսան այդ դիրքի համար ունի մի քանի թիրախներ, որոնցից մեկը Պաու Տոռեսն է։ Այս մասին հայտնում է ESPN-ը։
28-ամյա կենտրոնական պաշտպանը վաղուց է գտնվում Բարսելոնայի ուշադրության կենտրոնում․ ակումբը փորձել էր նրան ձեռք բերել դեռևս 2023 թվականին, սակայն նա վերջում տեղափոխվեց Աստոն Վիլլա՝ շուրջ 40 միլիոն եվրոյի դիմաց։ Բարսելոնան Տոռեսի կարողություններից բարձր է գնահատում պաշտպանությունից գնդակ առաջ տանելը, նրա ձախլիկ լինելը և օդային պայքարում վստահ խաղը։ Այնուամենայնիվ, ֆուտբոլիստը շատ կարևոր խաղացող է Ունայ Էմերիի համար Աստոն Վիլլայում, և նրա ձեռքբերումը հեշտ չի լինի, հատկապես հաշվի առնելով, որ նրա պայմանագիրը գործում է մինչև 2028 թվականը։
Եթե Բարսելոնան հանդես գա լուրջ առաջարկով, Տոռեսը, ով այս մրցաշրջանում բոլոր մրցաշարերում 18 հանդիպման է մասնակցել, պատրաստ կլինի քննարկել դա։ Շատ բան կախված կլինի այն գումարից, որը Աստոն Վիլլան կպահանջի իսպանացի պաշտպանի դիմաց։
Վերջին նորությունները
