Հանսի Ֆլիկը խոսեց Էսպանյոլի դեմ տարած դժվարին հաղթանակի մասին
Կատալոնական դերբիում Բարսելոնան դժվարին հաղթանակ տարավ՝ 0-2 հաշվով։ Հաղթանակից հետո տրված ասուլիսում Հանսի Ֆլիկը շտապեց գովաբանել թիմի ֆանտաստիկ դարպասապահին։ Ասուլիսը ներկայացվում է ստորև՝ ըստ Diario As-ի։
Գո՞հ եք հաղթանակից, թե՞ թիմի խաղում ինչ-որ բան անհանգստացրեց ձեզ:
«Մենք պետք է մի քանի բան փոխենք, բայց ես շատ գոհ եմ երեք միավորից»։
Ինչո՞ւ թիմից այդքան ժամանակ պահանջվեց երկրորդ խաղակեսում Բարսա դառնալու համար:
«Մենք պետք է ընդունենք, որ Էսպանյոլը շատ լավ խաղ անցկացրեց։ Չեմ կարծում, որ մենք արժանի էինք այս արդյունքին, բայց, վերջիվերջո, խաղադաշտում, փոխարինումներից հետո ցուցադրած որակը արժանի էր հաղթանակին։ Առաջին հերթին, ես պետք է շնորհակալություն հայտնեմ Ժոան Գարսիային։ Նա աշխարհի լավագույն դարպասապահներից մեկն է։ Եվ նաև այն խաղացողներին, ովքեր դուրս եկան պահեստայինների նստարանից։ Բայց մենք նվաճեցինք երեք միավորը, և սա այն ուղերձն է, որը մենք ուզում ենք ուղարկել Լա Լիգա»։
Ի՞նչ կարծիքի եք Ժոան Գարսիայի մտավոր ուժի մասին:
«Ֆանտաստիկ է։ Կարծում եմ՝ նա չի մոռանա այստեղ ապրածը, քանի որ խաղացել է Էսպանյոլի կազմում, և նրանք նրան հնարավորություն տվեցին այստեղ։ Բայց հիմա նա խաղում է մեզ համար և հաղթանակի կարևորագույն խաղացողներից մեկն էր»։
Վերջին նորությունները
Սա հաղթանակ է, որը ձեզ վստահությու՞ն է տալիս Սուպերգավաթի համար:
«Իհարկե։ Այս Սուրբ Ծննդյան արձակուրդից հետո հեշտ չէ այդքան արագ խաղալ այս խաղը և հասնել Սուպերգավաթի խաղարկությանը։ Բայց կարծում եմ, որ հաղթանակը մեզ վստահություն կտա, և հուսով եմ՝ ամեն ինչ լավ կընթանա։ Գիտեք, ես միշտ խոսում եմ այն մասին, ինչ տեսնում եմ մարզումների ժամանակ, և գոհ եմ նրանից, ինչ տեսնում եմ։ Մենք դժվարացանք, բայց վաստակեցինք երեք միավոր»։
Սա՞ է այն հաղթանակը, որը ձեզ ավելի երջանիկ է դարձնում այս մրցաշրջանում:
«Գիտեմ, թե որքան կարևոր է հաղթել այս խաղում։ Եվ ես, իհարկե, ուրախ եմ, քանի որ մրցակիցը հիանալի խաղ ցուցադրեց։ Շնորհավորում եմ Մանոլոյին նրանց խաղի համար։ Ես զարմացած չէի նրանց խաղից, քանի որ նրանք լավ հանդես եկան, նրանք հիանալի աշխատանք են կատարում, խաղում են շատ ավելի լավ, քան նախորդ մրցաշրջանում»։
Խաղից առաջ խոսե՞լ եք Ժոան Գարսիայի հետ։
«Իհարկե։ Բայց, ինչպես երեկ ասացի, ես նրան տեսա հանգիստ։ Ինչպես միշտ։ Կենտրոնացած, վստահ։ Մեծ թիմերն ունեն լավագույն դարպասապահները, և նա նրանցից մեկն է»։
