Ե՞րբ կվերադառնան Բարսայի առանցքային ֆուտբոլիստները
Բարսայում վստահ են, որ Հանսի Ֆլիկը կկարողանա վերականգնել իր տակտիկական համակարգի համար երեք առանցքային ֆուտբոլիստներին՝ առաջիկա խաղին ընդառաջ, որը կկայանա միջազգային ընդմիջումից հետո։
Սևիլյայի դեմ կիրակնօրյա անհաջողությունից հետո կատալոնական ակումբում վերջապես լավ նորություններ կան։ Բարսելոնան ցուցադրեց իր ամենաթույլ խաղը այն պահից ի վեր, ինչ Ֆլիկը գլխավորեց թիմը, և զիջեց լիգայի առաջատարի հորիզոնականը Ռեալ Մադրիդին։ ՊՍԺ-ից և Ռամոն Սանչես Պիսխուանում կրած պարտություններից հետո հոկտեմբերյան միջազգային դադարն ավելի երկար է թվում՝ առանց հանդիպումների, բայց դա նաև հնարավորություն է տալիս վերլուծելու սխալները, վերականգնվելու և վնասված ֆուտբոլիստներին վերադարձնելու։
Ակումբի ներսում վստահ են, որ Ֆլիկը կարող է հաջորդ հանդիպմանը՝ Ժիրոնայի դեմ, ունենալ իր տրամադրության տակ Լամին Յամալին, Ռաֆինյային և Ֆերմին Լոպեսին։
Թեև նրանց հասանելիությունը դեռ կախված է վերականգնման գործընթացից, ընդհանուր զգացողությունն այն է, որ երեքն էլ կարող են մասնակցել Կատալոնական դերբիին՝ թեկուզ որոշակի խաղային ժամանակ ստանալով։ Առավել հավանական է, որ առաջինը կվերադառնա Ֆերմին Լոպեսը․ նա արդեն անցյալ շաբաթ մասնակցել է թիմի որոշ վարժանքների։ Լոպեսը մրցաշրջանի մեկնարկը շատ լավ էր անցկացրել, և նրա վերադառնալը մեծացնում է մրցակցությունը ու խորությունը հարձակողական կիսապաշտպանության գծում, որտեղ այժմ այդ դիրքի միակ հիմնական ֆուտբոլիստը Դանի Օլմոն է։
Վերջին նորությունները
Ռաֆինյան, իր հերթին, ստացել էր ազդրի հետին մկանի վնասվածք, որի վերականգնման ժամկետը մոտավորապես երեք շաբաթ էր։ Այդ ժամկետը լրանում է հենց Ժիրոնայի դեմ խաղից մեկ օր առաջ։ Թեև բրազիլացին, ամենայն հավանականությամբ, չի մեկնարկի հիմնական կազմում, նա, թիմի գնահատմամբ, կարող է պահեստայինների նստարանին լինել և մուտք թիմը համալրել երկրորդ կեսում՝ քանի որ չի մեկնելու Բրազիլիայի հավաքական։
Այսպիսով, Հանսի Ֆլիկը կարող է կարևոր օգնություն ստանալ հենց այն պահին, երբ թիմը փորձում է վերադառնալ հաղթական ուղու վրա։
Աղբյուր՝ Diario Sport
