Տեբասը՝ Բարսելոնայի վերաբերյալ մի շարք հարցերի մասին
Լա Լիգայի նախագահ Խավիեր Տեբասը իր հարցազրույցի ընթացքում անդրադարձ է կատարել նաև Բարսելոնայի՝ Սուպերլիգայի վերաբերյալ դիրքորոշման և Կամպ Նոու վերադառնալու հեռանկարի մասին:
Անդրադառնալով Սուպերլիգայի թեմային՝ Տեբասը նշել է. «Նախագահ Լապորտան ասել է, որ այս նախագիծը նրան անհանգստացնում է, և ես շատ ուրախ կլինեի, եթե նա լքեր այդ եվրոպական ֆուտբոլային նախագիծը։ Ես նույնպես չեմ սիրում ECA (european club association)-ն, բայց կնախընտրեի, որ նրանք մնան ECA-ում, այլ ոչ՝ Սուպերլիգայում»:
Կամպ Նոու վերադարձի մասին խոսելիս Տեբասը կոչ է արել սպասել և չբողոքել ամեն ինչից՝ մինչ կլուծվեն լիցենզիայի վերաբերյալ բոլոր խնդիրները. «Ես չեմ խոսել այս հարցի մասին, միայն կարդացել եմ։ Նրանք ցանկանում են որքան հնարավոր է շուտ խաղալ Կամպ Նոու-ում, բայց խնդիրներ ունեն լիցենզիայի հետ։
Ես կցանկանայի, որ նրանք արդեն խաղային իրենց օրինական դաշտում, բայց այս պահին դա հնարավոր չէ։ Եթե մենք ստիպված լինենք նշել այս խնդիրները՝ խաղալու համար բարձր մակարդակի խաղադաշտում, ինչպես նրանք են անում, արժե սպասել։ Պետք է սպասել և չդժգոհել ամեն ինչից»,- նշել է Տեբասը։
Վերջին նորությունները
