🎥 Կամպ Նոուն չի դիմացել հորդառատ անձրևին. Կադրեր մարզադաշտից
Բարսելոնան անընդհատ լրատվական դաշտում է՝ հայտարարություններ անելով Կամպ Նոու հնարավոր վերադարձի մասին, որը դեռ վերակառուցման փուլում է։ Նոր մրցաշրջանի մեկնարկի հետ ամեն ինչ ավելի լուրջ դարձավ՝ ղեկավարությունը հավաստիացրեց, որ մտադիր է թույլտվություն ստանալ սեպտեմբերի 14-ին Վալենսիայի դեմ առաջին տնային խաղն անցկացնելու համար։
Եվրոպական ակումբների ասոցիացիան և ՈւԵՖԱ-ն վերջերս մերժեցին նրանց հավատարմագրումը՝ շինարարության առաջին փուլում հայտնաբերված խնդիրների պատճառով։ Այնուհետև ակումբը հայտարարեց, որ քաղաքային իշխանությունների հետ պայմանավորվել է երկարաձգել Մոնժուիկի վարձակալությունը մինչև հաջորդ տարվա փետրվար։
Եվ, կարծես թե, դա իզուր չէր։ Համացանցում տեսանյութ է հայտնվել Կամպ Նոուի վերակառուցման աշխատանքները կատարող շինարարներից։ Դրանում երևում է, որ մարզադաշտը պարզապես «պարտվել է» հորդառատ անձրևին։
Անձրևը ոչ միայն ողողել է խաղադաշտը, այլև փոքր ջրհեղեղ է առաջացրել, որը տրիբունաներից դուրս է եկել դեպի մյուս տարածքներ։
Վերջին նորությունները
Համացանցում նաև հավաստիացրել են, որ սա միակ խնդիրը չէ. տանիքը նույնպես արտահոսում է։
Նման կադրերը երկրպագուների մոտ մտահոգությունների ալիք են բարձրացրել՝ ի հեճուկս Բարսելոնայի լեգենդար մարզադաշտ վերադառնալու մասին խոստումների։
