«Ռեալը ճնշման տակ է՝ փորձելով գտնել Յամալի նման մեկին»․ Լևանդովսկի
Բարսելոնայի հարձակվող Ռոբերտ Լևանդովսկին կարծում է, որ Մադրիդի Ռեալը չպետք է փորձի գտնել մի խաղացող, որը համեմատելի լինի Բարսելոնայի հարձակվող Լամին Յամալի մակարդակի հետ։
«Իհարկե, նրանք (Ռեալը) ճնշման տակ են՝ փորձելով գտնել Լամին Յամալի նման մեկին։ Այնուամենայնիվ, ես կարծում եմ, որ դա անհնար է։ Ավելի լավ է գնալ իրենց ճանապարհով։
Անշուշտ, երկրպագուները ճնշում են գործադրում․ «Դուք պետք է գտնեք մեր Լամին Յամալին»։ Բայց դա անհնար է, քանի որ նա ամեն քաղաքում և ամեն տարի չի ծնվում։ Նման բան տեղի է ունենում 10 տարին մեկ անգամ։ Դա նման է Մեսսիին և Ռոնալդուին, դուք չեք գտնի որևէ մեկին, որը նման լինի նրանց, քանի որ նրանք եզակի են»,- ասել է Լևանդովսկին ESPN-ին տված հարցազրույցում։
Անցած մրցաշրջանում Յամալը մասնակցել է բոլոր մրցաշարերում անցկացրած 55 հանդիպման, որոնցում դարձել է 18 գոլի և 25 գոլային փոխանցման հեղինակ։ 18-ամյա ֆուտբոլիստը ներառված է Ոսկե գնդակ 2025-ի մրցանակի հավակնորդների ցանկում։
Վերջին նորությունները
