Լապորտա․ «Բարսան և ՊՍԺ–ն լավագույնն են Եվրոպայում»
Բարսելոնայի նախագահ Ժոան Լապորտան CNN-ի հաղորդավար Ամանդա Դևիսին տված հարցազրույցում անդրադարձել է մի շարք թեմաների՝ խոսելով ՊՍԺ-ի հետ մրցակցության, Չեմպիոնների լիգայի նոր ձևաչափի և ԱՄՆ-ում ակումբի ակադեմիաների կարևորության մասին։
Լապորտայի կարծիքով՝ ներկայումս Բարսելոնան և ՊՍԺ-ն լավագույն մարզավիճակում գտնվող և Չեմպիոնների լիգայում լավագույն ֆուտբոլ ցուցադրող թիմերն են։ Նա ափսոսանք է հայտնել, որ վերոնշյալ ակումբները չկարողացան միմյանց հանդիպել նախորդ եզրափակչում կամ Ակումբային աշխարհի առաջնությունում։
Չեմպիոնների լիգայի նոր ձևաչափը՝ քայլ առաջ
Նախագահը բարձր է գնահատել եվրոպական ակումբային գլխավոր մրցաշարի նոր համակարգը։ Լապորտայի խոսքով՝ Չեմպիոնների լիգայի նոր ձևաչափը բարելավում է մրցաշարը, և նա հույս է հայտնել, որ Բարսա – ՊՍԺ դիմակայությունը կկայանա այս մրցաշրջանում։
Բարսայի ակադեմիաներն ԱՄՆ-ում
Լայնածավալ հարցազրույցի ընթացքում, որը նաև անդրադարձել է ասիական և ամերիկյան շուկաների կարևորությանը, նախագահն առանձնահատուկ նշել է Միացյալ Նահանգներում գործող Բարսայի ակադեմիաների աշխատանքը։ Նա ընդգծել է, որ այդ ակադեմիաներում կիրառվում են «Լա Մասիայի» մարզումային սկզբունքները, և դրանք շարունակում են նպաստել երկրում ֆուտբոլի զարգացմանը։
Վերջին նորությունները
