Մարկ Բերնալի վերադարձը մո՞տ է
Բարսելոնայի երիտասարդ տաղանդ Մարկ Բերնալը, ամենայն հավանականությամբ, բժշկական անձնակազմից թույլտվություն կստանա մասնակցելու կիրակի օրը՝ օգոստոսի 10-ին, Կոմոյի դեմ կայանալիք Ժոան Գամպերի գավաթի խաղարկությանը։
Ըստ AS պարբերականի՝ ֆուտբոլիստը գերմարդկային ջանքեր է գործադրել և մեծ զոհողությունների գնացել՝ վերականգնման սպասվող ժամկետները երեք շաբաթով կրճատելու համար։
Չնայած նա կարող է մի քանի րոպե խաղաժամանակ ստանալ «Կոմոյի» դեմ խաղում, մարզչական շտաբը չի շտապելու։ Նրա խաղաժամանակը կսկսեն աստիճանաբար ավելացնել միայն սեպտեմբերյան միջազգային դադարից հետո, քանի որ ֆուտբոլիստին ժամանակ է անհրաժեշտ խաղային ռիթմը վերականգնելու համար։
Ակնկալվում է, որ ամբողջական հանդիպումներ անցկացնելուն՝ մեկնարկային սուլիչից մինչև եզրափակիչ սուլիչը, Բերնալը պատրաստ կլինի միայն նոյեմբեր-դեկտեմբեր ամիսներին։
Վերջին նորությունները
