Ֆլիկը նոր վինգերի է սպասում
Ըստ Diario Sport-ի՝ Բարսելոնայի գլխավոր մարզիչ Հանսի Ֆլիկը ձախ եզրային հարձակվողի է սպասում։
Չմոռանաք միանալ մեր Տելեգրամ–ալիքին։
Չնայած ֆինանսական իրավիճակի որոշակի բարելավմանը՝ «Բարսելոնան» դեռ չի հասել 1:1 կանոնին՝ նոր տրանսֆերներ գրանցելու համար։ Ակումբը պատրաստ էր մի քանի շաբաթ առաջ վճարել Նիկո Ուիլյամսի հրաժարագինը, սակայն այժմ կենտրոնացած է աշխատավարձային բեռը թեթևացնելու վրա։
Հանսի Ֆլիկը, հասկանալով ֆինանսական սահմանափակումները, հրաժարվել է մնացած դիրքերում ուժեղացումներից, սակայն շարունակում է պահանջել ձախ եզրային վինգերի տրանսֆեր։ Մարզիչը գոհ է գործող կազմից, որի հետ նախորդ մրցաշրջանում նվաճել է Լա Լիգան, Իսպանիայի գավաթը և Սուպերգավաթը։ Նա արդեն ունի Ժոան Գարսիային և ընդունել է, որ եզրային պաշտպանների գծում փոփոխություններ չեն լինի։
Վերջին նորությունները
Բացի այդ, հնարավոր է՝ Մարկ-Անդրե Տեր Շտեգենը ստիպված լինի ենթարկվել վիրահատության, ինչը նրան մրցաշրջանի սկզբում շարքից դուրս կթողնի չորս ամսով։
