Բարսելոնան բանակցությունների եզրափակիչ փուլում է Նիկո Ուիլյամսի տրանսֆերի համար

«Բարսելոնան» ավելի ու ավելի է մոտենում «Աթլետիկի» եզրային հարձակվող Նիկո Ուիլյամսի տրանսֆերի ավարտին և այժմ լիովին վստահ է, որ մոտ ապագայում կհաջողվի հայտարարություն անել։ Այս մասին հայտնում է կատալոնական լրագրող Ժերար Ռոմերոն։

Չմոռանաք բաժանորդագրվել նաեւ մեր տելեգրամ-ալիքին

Աղբյուրի տեղեկություններով՝ ներկայումս կատալոնացիների և խաղացողի գործակալի միջև որևէ խնդիր չկա։ Նշվում է, որ «Բավարիան» վերջնականապես դուրս է եկել կրտսեր Ուիլյամսի համար պայքարից, իսկ «Բարսելոնան» լիովին կենտրոնացած է իսպանացու տեղափոխությունն ավարտելու վրա՝ փակելով «Լիվերպուլի» վինգեր Լուիս Դիասի հետ բանակցությունները։

Ավելի վաղ հաղորդվել էր, որ Ուիլյամսը կրճատել է իր արձակուրդը, որպեսզի հնարավորինս շուտ ավարտի իր տրանսֆերը «Բարսելոնա»։ Նրա հրաժարագնի վճարումը և բանակցությունների ավարտը նախատեսված էին ուրբաթ՝ հուլիսի 4-ին։