Լևանդովսկին կհեռանա Բարսելոնայից Սաուդյան Արաբիա

Սաուդյան Արաբիայում համոզված են, որ լեհ հարձակվող Ռոբերտ Լևանդովսկին կմիանա իրենց թիմերից մեկին 2026 թվականի ամռանը Բարսայի հետ գործող պայմանագրի ավարտից հետո։ Այս մասին հայտնում է Sport.es-ը՝ հղում անելով Al-Riyadiyah-ին։

Աղբյուրի փոխանցմամբ՝ կատալոնական ակումբը չի դիտարկում 36-ամյա հարձակվողի հետ պայմանագիրը 2026 թվականից հետո երկարաձգելու տարբերակը։ Լևանդովսկու կարիերան Սաուդյան Արաբիայում շարունակելու ցանկությունը հաստատել է նրա գործակալության ներկայացուցիչը։

Նախորդ մրցաշրջանում հարձակվողը բոլոր մրցաշարերում մասնակցել է 52 հանդիպման, որոնցում դարձել է 42 գոլի և 3 գոլային փոխանցման հեղինակ։