Սկսում եմ նոր մարտահրավեր, որը դիմավորում եմ մեծ խանդավառությամբ. Ժոան Գարսիա

Ժոան Գարսիան տեսանյութ է հրապարակել, որում շնորհակալություն է հայտնել «Էսպանյոլին» և հրաժեշտ տվել ակումբին։

«Այսօր հրաժեշտ եմ տալիս այն ակումբին, որտեղ եղել եմ 15 տարեկանից։

Այս ամբողջ ընթացքում ես փորձել եմ ամեն օր աճել՝ որպես ֆուտբոլիստ և որպես մարդ։ Միշտ խոնարհությամբ, մեծ ջանքերով ու հպարտությամբ եմ պաշտպանել «Էսպանյոլի» դարպասը։

Ես տվեցի այն ամենը, ինչ կարող էի թիմին օգնելու համար, կրեցի այս զինանշանը առավելագույն նվիրվածությամբ:

Ես գիտեմ, որ այս որոշումը հեշտ չի հասկանալ բոլորի համար: Ես ուզում եմ, որ դուք իմանաք, որ սա շատ մտածված որոշում է, որը ես կայացրել եմ ոչ միայն իմ կարիերայի, այլև ակումբի, իմ ընտանիքի և իմ բարօրության համար: Սա վերջնական հրաժեշտ չէ, այլ մի փուլ, որն ավարտվում է այն համոզմունքով, որ այն ամենը, ինչ ես ապրել եմ, ինձ ավելի լավ մարդ է դարձրել:

Դուք ինձ ստիպեցիք զգալ, որ ես շատ մեծ բանի մաս եմ կազմում: Ես հեռանում եմ երախտագիտությամբ լի սրտով՝ գիտակցելով, որ այս ճանապարհը լի էր գեղեցիկ և դժվար պահերով, բայց դրանք բոլորն օգնեցին ինձ աճել:

Հիմա ես սկսում եմ նոր մարտահրավեր, որը դիմավորում եմ մեծ խանդավառությամբ, բայց նաև մեծ հարգանքով այն ամենի նկատմամբ, ինչ թողնում եմ: Շնորհակալություն ամեն ինչի համար: Շուտով կտեսնվենք»։