Նիկոյի ձախողված տրանսֆերի բոլոր մանրամասները
Cadena SER-ը ներկայացրել է Նիկո Ուիլյամսի տրանսֆերային սագայի բոլոր մանրամասները՝ ըստ ժամանակագրության։
Ֆուտբոլիստը չի եղել Բարսելոնայի առաջնահերթությունը։
Չմոռանաք միանալ մեր Տելեգրամ–ալիքին։
Նիկոյի գործակալը զանգահարել է Բարսա եւ տեղեկացրել ֆուտբոլիստի ցանկության մասին, այնուհետեւ մեկնել ակումբի ներկայացուցիչների հետ հանդիպման։
Հանդիպման ընթացքում գործակալը Բարսային ասել է, որ Նիկոն դարձել է ավելի հասուն եւ այս անգամ Բիլբաոյից հեռանալը շատ ավելի հեշտ կլինի /օրինակ՝ հրաժարագինը մաս-մաս վճարելու հնարավորությամբ/։
Աթլետիկը հստակ է արտահայտել դիրքորոշումը՝ ոչ մի պարագայում Բարսայի հետ չեն բանակցի։
Բարսան համաձայնության է հասել Նիկո Ուիլյամսի հետ եւ պատրաստել է միջոցները հրաժարագինը վճարելու համար, բայց ժամանակի ընթացքում նրա գործակալը սկսել է ներկայացնել նոր, ավելի դժվար պայմաններ, ինչը դանդաղեցրել է գործարքը։
Այդ պայմանների թվում է եղել կետ, ըստ որի, ֆուտբոլիստը պետք է դառնա ազատ գործակալ, եթե Բարսան չգրանցի Նիկոյին մինչեւ օգոստոսի 20-ը։
Բարսան այդ պայմանները համարել է անընդունելի եւ սկսել է հավանական համարել, որ գործարքը կարող է ձախողվել։
Նիկոյի գործակալը լուռ է եղել մինչեւ նախորդ չորեքշաբթի, երբ կապնվել է Բարսելոնայի հետ հայտնելու, որ կկայանա ֆուտբոլիստի եւ նրա մոտ շրջապատի հանդիպումը ապագայի վերաբերյալ վերջնական որոշում կայացնելու նպատակով։
Այսօր Բարսելոնան պաշտոնապես իմացավ Նիկոյի որոշման մասին։ Որոշում, որի վերաբերյալ ակումբն արդեն կասկածներ ուներ, բայց, միեւնույնն է, այն անակնկալ ստացվեց։
Չնայած Ուիլյամսի գործակալը փորձեց ներկայացնել ֆուտբոլիստին՝ որպես հասուն խաղացող, ակումբը զգացողություն ունի, որ Նիկոն հավաքականի ճամբարում գտնվելիս ասում է մի բան, եւ հակառակը, երբ վերադառնում է Բիլբաո։
Ակումբում վստահ են, որ գործակալի եւ Աթլետիկի միջեւ ամուր կապը կարեւոր դեր են խաղացել Բարսայի հետ գործարքի ձախողման հարցում։
Կարդացեք նաեւ՝ Նիկոն երկարաձգեց պայմանագիրն Աթլետիկի հետ։
