Միլանի աստղը հայտնվել է Բարսելոնայի դիտակետում
«Միլանի» վինգեր Ռաֆայել Լեաուն գրավել է «Բարսելոնայի» ուշադրությունը։ Ինչպես հաղորդում է Sport.es-ը, կատալոնացիներն ակտիվացրել են իրենց հետաքրքրությունը պորտուգալացու նկատմամբ՝ «Աթլետիկի» հարձակվող Նիկո Ուիլյամսի տրանսֆերի ձախողումից հետո, որը նոր երկարաժամկետ պայմանագիր է կնքել իր ներկայիս ակումբի հետ։
Չմոռանաք միանալ մեր Տելեգրամ–ալիքին։
Աղբյուրի համաձայն՝ ձախ վինգերի դիրքի ամրապնդումն առաջնահերթություն է կապտանռնագույնների համար այս ամառ։ Հաղորդվում է, որ Ռաֆայել Լեաուն դիտարկվում է որպես տարբերակներից մեկը՝ «Լիվերպուլի» Լուիս Դիասի և «Մանչեսթեր Յունայթեդի» Մարկուս Ռաշֆորդի հետ մեկտեղ։
Լրագրողների տեղեկություններով՝ Լեաուի ձեռքբերման գործարքը բավականին բարդ է։ Կատալոնացիները բանակցություններ են վարում պորտուգալացի Ժորժե Մենդեշի միջոցով, որը թեև իր հայրենակցի գործակալը չէ, սակայն լավ հարաբերությունների մեջ է իտալական թիմի ղեկավարության հետ։ Չնայած 150 միլիոն եվրո հրաժարագնին՝ «Միլանը» պատրաստ է բաց թողնել խաղացողին 70 միլիոն եվրոյով։
