Մեսսի. վերջին հույզերը հայրենի խաղադաշտում
Հանճարը հիշեց Բարսելոնայում անցկացրած ժամանակը՝ խոսելով այն մասին, որ Վենեսուելայի դեմ հանդիպումը կարող է իր վերջին պաշտոնական խաղը լինել Արգենտինայի հողում։
Լեո Մեսսին երեկ իր լեգենդար կարիերային ևս երկու գոլ ավելացրեց ազգային ընտրանու կազմում՝ Վենեսուելայի դեմ խաղում։ Այս խաղը կարող է նրա վերջին պաշտոնական ելույթը դառնալ Արգենտինայի տարածքում՝ որպես ազգային հավաքականի խաղացող։
38-ամյա ֆուտբոլիստի հարցազրույցներն ավելի ու ավելի զգացմունքային են դառնում։ «Շատ հույզեր կային։ Գիտեի, որ վերջին անգամ եմ այստեղ միավորների համար։ Այս խաղադաշտում ես շատ բան եմ տեսել՝ լավ և ոչ այնքան լավ, բայց հետս տանում եմ լավագույնը։ Շատ երջանիկ եմ։ Կարողանալ ավարտել այստեղ և այսպես՝ այն է, ինչի մասին միշտ երազել եմ»,- ասել է նա։
Իր խոսքում Մեսսին նշել է, որ դեռ տատանվում է 2026 թվականի Աշխարհի առաջնությանը իր մասնակցության հարցում։ Այնուհետև արգենտինացի 10 համարի խաղացողը ջերմորեն արտահայտվել է Բարսելոնայում իր անցյալի մասին․
Վերջին նորությունները
«Շատ տարիներ ես սեր եմ ստացել Բարսելոնայում և դեռ ստանում եմ։ Իմ երազանքն էր դա ունենալ այստեղ՝ իմ երկրում, իմ ժողովրդի հետ։ Մի քանի տարի շարունակ շատ խոսակցություններ կային, բայց ինձ հետ մնում են այն բոլոր լավ բաները, որ մենք ստեղծել ենք այս թիմի հետ, որը փորձեց, բայց չկարողացավ նվաճել տիտղոսը։ Ավելի ուշ դա հաջողվեց ինձ և այդ սերնդից էլի ոմանց։ Այն ամենը, ինչ մենք վերապրել ենք, հոյակապ էր»,-ընդգծել է նա։
