Լուիս Դիասը տեղեկացրել է Լիվերպուլին, թե ուր է ուզում տեղափոխվել
Լիվերպուլի կոլումբիացի վինգեր Լուիս Դիասը ոչ միայն ակումբի ղեկավարությանը տեղեկացրել է հեռանալու իր ցանկության մասին, այլև հասկացրել է, որ կցանկանար հնարավորության դեպքում միանալ Մյունխենի Բավարիային։
Sky Sport-ի թղթակից Ֆլորիան Պլետենբերգը նշում է, որ տրանսֆերը հավանության է արժանացել մյունխենյան ակումբի նորանշանակ գլխավոր մարզիչ Վենսան Կոմպանիի կողմից։
Չմոռանաք միանալ մեր Տելեգրամ–ալիքին։
Այս պահին Բավարիայի և Դիասի միջև դեռևս լիարժեք համաձայնություն չկա, սակայն հայտնի է, որ անձնական պայմանները խնդիր չեն հանդիսանում։ Ենթադրվում է, որ ֆուտբոլիստին կառաջարկվի պայմանագիր՝ նվազագույնը մինչև 2029 թվականը։
Վերջին նորությունները
Գործարքի իրականացման գլխավոր խոչընդոտը մնում է ակումբների միջև համաձայնության հասնելը։ Այժմ ամբողջը կախված է նրանից, թե արդյոք Բավարիային կհաջողվի պայմանավորվել Լիվերպուլի հետ տրանսֆերի շուրջ։
Եթե գերմանական գրանդի հետ բանակցությունները ձախողվեն, Դիասը կարող է դիտարկել այլ տարբերակներ։ Նրա ծառայություններով շարունակում է հետաքրքրվել կատալոնական Բարսելոնան, սակայն ֆինանսական խնդիրների պատճառով ակումբը ներկա պահին չի կարողանա գրանցել նրա տրանսֆերը։
