Հանսի Ֆլիկը նոր դարպասապահ է գտել
Բարսելոնանի անձնակազմը վաղը կմեկնի նախամրցաշրջանային հավաք անցկացնելու Ասիայում, որի շրջանակում նախատեսված է երեք ընկերական հանդիպում՝ մեկը Ճապոնիայում և երկուսը՝ Հարավային Կորեայում։
Չմոռանաս միանալ մեր Տելեգրամ-ալիքին։
Ճանապարհորդությունից առաջ թիմի գլխավոր մարզիչ Հանսի Ֆլիկը մի քանի կարևոր որոշումներ ունի կայացնելու՝ որոնք վերաբերում են այն ֆուտբոլիստներին, ովքեր կմեկնեն շրջագայության։
Ակնկալվող անակնկալ զարգացումների ֆոնին, լրագրող Ալեքս Պինտանելի փոխանցմամբ՝ երիտասարդ դարպասապահ Դիեգո Կոչենը պատրաստվում է միանալ Բարսելոնայի առաջին թիմին Ասիայի հավաքի ընթացքում՝ եթե վերջին պահին անակնկալներ չլինեն։
Վերջին նորությունները
19-ամյա ամերիկացի դարպասապահը միայն այսօր է հրավիրվել մարզվելու առաջին թիմի հետ՝ այս ամառ առաջին անգամ, քանի որ մինչ այդ հանդես էր գալիս Բարսելոնայի երկրորդ կազմում։
Բարսելոնան Ասիա կուղևորվի առանց Մարկ-Անդրե տեր Շտեգենի, որը մեջքի վնասվածքի պատճառով դուրս է մնացել կազմից և հնարավոր է, որ վիրահատության կարիք ունենա։
Այդուհանդերձ, Ֆլիկի տրամադրության տակ կլինեն երեք դարպասապահ՝ ամռանը ձեռք բերված Ժոան Գարսիան, Վոյցեխ Շչեսնին և Ինյակի Պենյան, որի ապագան մնում է անորոշ։
Երեքշաբթի օրը հաղորդվում էր, որ, չնայած Պենյան հնարավոր է լքի ակումբը, նա միանալու է Բարսելոնայի առաջին թիմին և կմեկնի Ասիա։
Այժմ, թվում է՝ Ֆլիկը որոշել է նաև Կոչենին ընդգրկել նախամրցաշրջանային ցուցակում, և ամերիկացի դարպասապահը վերջին մի քանի ժամում է տեղեկացվել այդ որոշման մասին։
Եթե Պենյան իսկապես հեռանա և տեր Շտեգենը երկար ժամանակով դուրս մնա վիրահատության պատճառով, ապա Կոչենը ակնկալվում է, որ կդառնա Բարսելոնայի առաջին թիմի երրորդ դարպասապահը։
Այդ պատճառով նրան Ասիայի նախամրցաշրջանային հավաքում ներառելն ամբողջովին տրամաբանական քայլ է Բարսելոնայի համար։
