Ֆլիկը բարկացել է լրագրողի հարցից
Լա լիգայի 5-րդ տուրի Խետաֆեի դեմ խաղից առաջ կայացած ասուլիսում Բարսելոնայի գլխավոր մարզիչ Հանսի Ֆլիկն ասել էր, որ ակումբի ներկայացուցիչները ներկա են լինելու Ոսկե գնդակի արարողությանը՝ հարգանքից ելնելով։
Հանդիպումից հետո լրագրողը հարցրել է՝ արդյոք դա ակնարկ էր Ռեալ Մադրիդի նկատմամբ, ինչը բարկացրել է մարզիչին։
«Վերջացրեք։ Մի՞թե այդպես է ամեն ինչ։ Ես խաղ ունեմ ամեն 3-4-րդ օրը և պետք է մնայի տանն ու հանգստանայի։ Մենք մի քանի ֆուտբոլիստներ ունենք, որոնք կարող են մրցանակներ հաղթել։ Մենք գնալու ենք հարգանքից ելնելով, և ես նույնպես նոմինացված եմ, այդ իսկ պատճառով էլ գնում եմ։ Դա բացարձակ կապ չունի Մադրիդի կամ որևէ այլ ակումբի հետ։
Ինձ դուր չի գալիս այս խոսակցությունը, և չեմ հավանում Ձեր հարցը, բայց գիտեմ, որ Դուք պետք է հարցնեք։ Ես չեմ խոսում որևէ այլ ակումբի մասին, ամբողջովին կենտրոնացած եմ միայն իմ ակումբի վրա, և դա այն է, ինչ ես պետք է անեմ»։
Վերջին նորությունները
