Բարսելոնայի պաշտպանը կերկարաձգի պայմանագիրը մինչև 2030 թվական
Տարեսկզբից ի վեր Բարսելոնան ակտիվորեն աշխատում է թիմի առանցքային ֆուտբոլիստների պայմանագրերի երկարաձգման ուղղությամբ։
Մի շարք աստղեր, ինչպիսիք են Պեդրին, Գավին, Լամին Յամալը, Ռաֆինյան և Ինյիգո Մարտինեսը, արդեն իսկ նոր պայմանագրեր են կնքել Լա Լիգայի չեմպիոնների հետ։
Աշխատանքներ են տարվում նաև Էրիկ Գարսիայի և Ֆրենկի դե Յոնգի պայմանագրերը երկարաձգելու ուղղությամբ, որոնց գործող համաձայնագրերն ավարտվում են 2026 թվականին։
Ժյուլ Կունդեի պայմանագիրը երկարաձգվել էր մինչև 2027 թվականը։
Այժմ, ըստ L’Equipe-ի, Ժյուլ Կունդեն, որի գործող պայմանագիրը Բարսայի հետ նախատեսված է մինչև 2027 թվականը, պատրաստվում է այն երկարաձգել ևս երեք մրցաշրջանով՝ մինչև 2030 թվականի հունիսը։ Այս տեղեկությունը հաստատել է նաև Ֆաբրիցիո Ռոմանոն։
🚨🔵🔴 Jules Koundé has agreed to sign new deal at Barcelona until June 2030, as expected.
Agreement in place with the club and green light from Kounde’s camp with Barça director Deco on it.
Formal steps to follow, but deal in place as @FabriceHawkins and @lequipe reported. pic.twitter.com/WHE8VWS10h— Fabrizio Romano (@FabrizioRomano) July 25, 2025Վերջին նորությունները
Ֆուտբոլիստն ու ակումբը եկել են ամբողջական համաձայնության, իսկ պաշտոնական հայտարարությունը սպասվում է առաջիկայում։ Ֆրանսիացու համար նախատեսված երեք տարվա երկարաձգումը ներառում է նաև աշխատավարձի բարձրացում։
Այլ ակումբների, հատկապես Պրեմիեր լիգայից, հետաքրքրությունը պակաս չէր։ Մանչեսթեր Սիթին ուշադիր հետևում էր իրավիճակին։ Սակայն Սևիլիայի նախկին պաշտպանը երջանիկ է Բարսելանայում, որի կազմում նա երկու անգամ դարձել է Լա Լիգայի չեմպիոն և նպատակ ունի հաջողության հասնել Չեմպիոնների լիգայում։
Կունդեի հետ բանակցությունները, որոնք տևական ժամանակ ընթանում էին և որոնց շրջանակում վերջին հանդիպումը տեղի էր ունեցել այս ամսվա սկզբին, արդեն մոտենում են ավարտին։ Կողմերը հիմնականում համաձայնության են եկել, և մինչև պաշտոնական հայտարարությունը մնացել է հարթել միայն վերջին մանրամասները։
Թեև Կունդեն ստիպված է խաղալ իրեն ոչ հարազատ՝ աջ պաշտպանի դիրքում, իր ցուցադրած կայուն խաղի շնորհիվ նա համարվում է աշխարհի լավագույններից մեկն այդ դիրքում։ Նրա խաղը բարձր է գնահատել նաև գլխավոր մարզիչ Հանսի Ֆլիկը։
Ֆրանսիացի պաշտպանը չի թաքցնում, որ նախընտրում է խաղալ կենտրոնական պաշտպանի դիրքում՝ համարելով, որ հենց այնտեղ կարող է լիարժեք դրսևորել իր կարողությունները։ Սակայն նա նաև գիտակցում է, որ աջ պաշտպանի դիրքում իրեն դեռ երկար տարիների հաջող կարիերա է սպասվում, հատկապես որ այնտեղ արդյունավետ խաղակցություն է ստացվում Լամին Յամալի հետ։
