🔥 Բարսելոնայի աստղը վերադարձել է ակումբ
Տիագո Ալկանտարայի՝ մարզչական շտաբի անդամի պաշտոնական առաջին օրն էր։ «Բլաուգրանայի» նախկին խաղացողը այսօր սկսեց աշխատանքը որպես Հանսի Ֆլիկի օգնական՝ մարզչական շտաբի կազմում։
Ինչպես հայտնում է ակումբի պաշտոնական կայքը, նրա պարտականությունները կներառեն մարտավարական հարցերում թիմին օգնելը, մարզումները նախապատրաստելը, ինչպես նաև իր փորձն ու խաղի տեսլականը փոխանցելը՝ թիմի առօրյա աշխատանքը հարստացնելու համար։
Ինչ վերաբերում է թիմին, ապա մի քանի հավաքականների խաղացողներ, իհարկե, վերադարձել էին երեքշաբթի, և նրանց այժմ միացել են մնացածը, մասնավորապես՝ Ռեշֆորդը, Կունդեն, Ռաֆինյան, Քրիստենսենը, Ռոնալդ Արաուխոն և Ռունի Բարդաղջին։ Բրազիլացին և ուրուգվայցին վերջիններն էին, որ ժամանեցին և անցկացրին առանձին վերականգնողական մարզում՝ խմբին միանալուց առաջ։
«Բարսելոնա Աթլետիկի» խաղացողներ Դրոն, Տոնին և Խոֆրեն ներգրավված էին մարզմանը, իսկ Ֆրենկին, Բալդեն և Գավին մարզվում էին առանձին, ընդ որում, հոլանդացին մարզման մի մասն անցկացրել է դաշտում։
Վերջին նորությունները
Այժմ, երբ թիմը համալրված է, նրանք կարող են շարունակել աշխատել կիրակի կայանալիք «Վալենսիայի» դեմ խաղի համար, որն այս մրցաշրջանում առաջին տնային հանդիպումն է։ Ֆլիկը դեռ երկու մարզում ունի՝ ուրբաթ և շաբաթ, որպեսզի վերջին շտկումները կատարի։
Կիրակի օրվա նպատակն է երկրպագուներին պարգևել հաղթանակ՝ «Վալյեկաս» մարզադաշտում անցկացրած վերջին ոչ-ոքիից հետո։
