Բարսելոնան որոշել է վաճառել առաջատարներից մեկին
Բարսելոնան պլանավորում է վաճառել թիմի ավագ, ուրուգվայցի պաշտպան Ռոնալդ Արաուխոյին մոտակա տրանսֆերային պատուհանի ընթացքում
Ըստ Fichajes-ի, «կապտանռնագույնների» ղեկավարությունը եկել է այն եզրակացության, որ Արաուխոյի ներկայիս մարզավիճակը չի համապատասխանում ակնկալիքներին։ Չնայած թիմի առաջատարներից մեկի կարգավիճակին և ավագի թևկապին, ուրուգվայցին սկսել է կորցնել իր տեղը կազմում։ Ակումբում կարծում են, որ խաղացողի վաճառքը կարող է ֆինանսական օգուտ բերել և օգնել նվազեցնել աշխատավարձերի բեռը։
Արաուխոյին վաճառելու որոշումը կապված է նաև բյուջեն լրացնելու անհրաժեշտության հետ. Բարսելոնան նրա հեռանալը գնահատում է որպես մոտ 40 միլիոն եվրո վաստակելու և այդ միջոցներն այլ դիրքերն ուժեղացնելու հնարավորություն։
Ուրուգվայցու պայմանագիրը կատալոնացիների հետ գործում է մինչև 2031 թվականը, ընդ որում, դրանում բարձր հրաժարագին չկա, ինչը հեշտացնում է բանակցությունները։ Աղբյուրի փոխանցմամբ՝ մի քանի եվրոպական ակումբներ արդեն հետաքրքրություն են ցուցաբերում և պատրաստ են առաջարկ անել՝ մոտ ակնկալվող գումարին։
Վերջին նորությունները
Եթե գործարքը կայանա արդեն ձմռանը, Բարսելոնան կկարողանա խուսափել խաղացողի տրանսֆերային արժեքի հետագա անկումից և նախապես սկսել պաշտպանության վերակառուցումը։
