«Բարսելոնան» կարող է Նիկո Ուիլյամսից անցնել մեկ այլ վինգերի

«Բարսելոնան» դեռևս չի ավարտել Նիկո Ուիլյամսի տրանսֆերը։ 22-ամյա խաղացողը, իր գործակալի միջոցով, պահանջել է պայմանագրում ներառել գրանցման երաշխիքի կետ։ Սա դուր չի եկել կատալոնացիներին, և բանակցային գործընթացը դանդաղել է։

Հետևաբար, «Բարսելոնան» կարող է Նիկո Ուիլյամսից անցնել մեկ այլ ֆուտբոլիստի՝ «Լիվերպփուլի» վինգեր Լուիս Դիասին։ Ավելի վաղ Դեկուն հայտնել էր, որ «կապտանռնագույնները» հետաքրքրված են 28-ամյա կոլումբիացի ֆուտբոլիստով։

Սակայն խնդիր կա. «Լիվերպուլը» ցանկություն չունի բաց թողնել Դիասին, իսկ ինքը՝ խաղացողը, անհրաժեշտ ճնշում չի գործադրում իր ակումբի վրա։