«Բարսելոնան» հետաքրքրված է Արգենտինայի հավաքականի պաշտպանով

«Բարսելոնան» հետաքրքրված է «Ինդեպենդիենտեի» և Արգենտինայի հավաքականի կենտրոնական պաշտպան Կևին Լոմոնասոյի ծառայություններով։ Այս մասին հայտնում է TyC Sports-ը։

Աղբյուրի տեղեկություններով՝ կատալոնացիները կարող են ձեռք բերել 23-ամյա ֆուտբոլիստին, եթե Ռոնալդ Արաուխոն և Անդրեաս Քրիստենսենը հեռանան ակումբից։ Նշվում է, որ Լոմոնասոյով հետաքրքրված թիմերը նրա տրանսֆերի համար պետք է վճարեն 20 միլիոն դոլար (17 միլիոն եվրո)։

Պաշտպանը հրավիրվել էր Արգենտինայի հավաքական՝ մասնակցելու 2026 թվականի Աշխարհի առաջնության ընտրական փուլի խաղերին։