Աստղային փոխարինող Գավիին․ Բարսան տարբերակ է գտել Անգլիայում
Այն բանից հետո, երբ հայտնի դարձավ, որ Գավին վնասվածքի պատճառով կարող է բաց թողնել 4-ից 5 ամիս, Բարսելոնայի ղեկավարությունը որոշել է դիտարկել նրան փոխարինող ձեռք բերելու հնարավորությունը, տեղեկացնում է Fichajes-ը։
Հանսի Ֆլիկի ցուցակում առաջինը Քոբի Մեյնուի անունն է։ Կատալոնացիները կփորձեն ձմռանը պայմանավորվել Մանչեսթեր Յունայթեդի 20-ամյա կիսապաշտպանի տեղափոխության շուրջ։ Անգլիացին կորցրել է իր տեղը «կարմիր սատանաների» հիմնական կազմում և նույնիսկ ամռանը տրանսֆեր էր պահանջել, քանի որ իրեն չէր տեսնում Ռուբեն Ամորիմի պլաններում։
Հաղորդվում է, որ Բարսելոնան կարող է մանկունիացիներին առաջարկել վարձակալություն՝ հետագայում գնելու տարբերակով։
2025/26 մրցաշրջանում Քոբի Մեյնուն Մանչեսթեր Յունայթեդի կազմում անցկացրել է ընդամենը 166 րոպե։ Նրա հաշվին կա մեկ գոլային փոխանցում՝ չորս խաղում։
Վերջին նորությունները
