Առաջին պարտությունը Լա Լիգայում. Բարսելոնա 1-4 Սևիլյա
Բարսելոնան ծանր պարտություն կրեց Լա Լիգայում՝ 4-1 հաշվով զիջելով Սևիլյային Ռամոն Սանչես Պիսխուան մարզադաշտում։ Սա Հանսի Ֆլիկի թիմի երկրորդ խոշոր կորուստն էր անընդմեջ՝ ՓՍԺ-ից կրած պարտությունից հետո։
Կատալոնացիները խաղը սկսեցին թույլ տեմպով և արագորեն բաց թողեցին 2 գնդակ։ Միայն Պեդրիի և Մարկուս Ռեշֆորդի գեղեցիկ համակցությունը թույլ տվեց կրճատել տարբերությունը, սակայն երկրորդ կեսում Լևանդովսկին վրիպեց 11 մետրանոցից, և Սևիլյան ևս երկու անգամ պատժեց անհավասարակշիռ պաշտպանությանը։
Բարսելոնայի կազմում ամենաակտիվներից էին Շչենսնին, ով մի քանի փրկություն իրականացրեց, Պեդրին, ով իրականացրեց գոլային փոխանցումը, և Ռեշֆորդը, որը դարձավ թիմի միակ գոլի հեղինակը։ Լևանդովսկին կրկին չարդարացրեց ակնկալիքները՝ գրեթե աննկատ մնալով ամբողջ խաղում, իսկ Արաուխոն և Կուբարսին մեծ դժվարություններ ունեցան պաշտպանությունում։
Միջազգային դադարից առաջ Բարսելոնան կանգնում է լուրջ ճգնաժամի առաջ՝ ինչպես մրցաշարային, այնպես էլ հոգեբանական առումով։
Վերջին նորությունները
