Անգլիական ակումբը հետաքրքրված է Բարսելոնայի աստղի տրանսֆերով
Մանչեսթեր Յունայթեդը, ըստ տեղեկությունների, հետաքրքրված է Բարսելոնայի հարձակվող Ռոբերտ Լևանդովսկիի ծառայություններով՝ նրան դիտարկելով որպես տրանսֆերային շուկայի հիմնական հնարավորություն։
SPORT-ի հաղորդմամբ՝ Անգլիական ակումբը վստահ է, որ կարող է համոզել Լևանդովսկուն տեղափոխվել Պրեմիեր լիգա՝ առաջարկելով խաղալ Եվրոպայի ամենահեղինակավոր առաջնություններից մեկում։
Լեհ հարձակվողի պայմանագիրը Բարսելոնայի հետ ավարտվում է 2025/26 մրցաշրջանի վերջում, և քիչ հավանական է, որ ակումբը այն երկարաձգի։ Եթե նոր պայմանագիր չառաջարկվի, նա կարող է հեռանալ ազատ գործակալի կարգավիճակով։
Չնայած անորոշությանը՝ Լևանդովսկին ցանկանում է մնալ Եվրոպայում առնվազն ևս մեկ տարի։ Ակնկալվում է, որ մի շարք թոփ ակումբներ հետաքրքրություն կհայտնեն նրա նկատմամբ։
Վերջին նորությունները
Յունայթեդում կարծում են, որ փորձառու Լևանդովսկին կարող է ուժեղացնել թիմի հարձակումը և օգնել երիտասարդներին զարգանալ։ Միևնույն ժամանակ, լեհ ֆուտբոլիստը պատրաստ է մնալ Բարսելոնայում ևս մեկ մրցաշրջան՝ նույնիսկ աշխատավարձի կրճատմամբ։
Նրա գործակալ Պինի Զահավին արդեն հանդիպել է Միլանի ներկայացուցիչների հետ՝ քննարկելու հնարավոր տեղափոխությունը։ Մանչեսթեր Յունայթեդը ևս մտել է պայքարի մեջ՝ Լևանդովսկուն համարելով իդեալական տարբերակ թիմի հարձակողական խաղը բարելավելու համար։
