1 միլիարդ եվրո․ Բարսելոնայի հայտարարությունը
Բարսելոնայի հասույթը 2024/25 մրցաշրջանի արդյունքներով կազմել է գրեթե մեկ միլիարդ՝ 994 միլիոն եվրո, հայտնում է «կապտանռնագույնների» մամուլի ծառայությունը։
Նշվում է, որ զուտ օպերացիոն շահույթը կազմել է 2 միլիոն եվրո, և ակումբը երկրորդ տարին անընդմեջ ունի դրական հաշվեկշիռ։ Հովանավորչական գործարքներից ստացված եկամուտները նշված ժամանակահատվածում հասել են 259 միլիոն եվրոյի, իսկ ատրիբուտների վաճառքից ստացվածը՝ 170 միլիոն եվրոյի։
2025/26 մրցաշրջանում ակումբի ղեկավարությունը նախատեսում է 1,075 միլիարդ եվրո հասույթ։
2023 թվականի հունիսին ՈՒԵՖԱ-ի Ակումբների ֆինանսական վերահսկողության կազմակերպությունը (CFCB) տուգանել է Բարսելոնային 2022 ֆինանսական տարվա հաշվետվության սխալ ներկայացման համար։ Բարսելոնայի գործը վերաբերում էր ոչ նյութական ակտիվների վաճառքից ստացված շահույթին (բացի խաղացողների տրանսֆերներից), որը չի համապատասխանում կանոնակարգի եկամտին։
Վերջին նորությունները
Բարսելոնան 19 միավորով զբաղեցնում է երկրորդ տեղը Իսպանիայի առաջնության մրցաշարային աղյուսակում։ Հաջորդ տուրում կատալոնացիները հոկտեմբերի 18-ին կընդունեն Ժիրոնային։
