Լապորտա. «Կային անկանխատեսելի բաներ»
Բարսելոնայի նախագահ Ժոան Լապորտան հանդես է եկել կարևոր հայտարարություններով՝ անդրադառնալով Հանսի Ֆլիկի ղեկավարությամբ թիմի ընթացիկ վիճակին, ՊՍԺ-ի դեմ պարտությանը, Չեմպիոնների լիգայում նպատակներին, ինչպես նաև «Սպոթիֆայ Կամպ Նոու» մարզադաշտի վերակառուցման ընթացքին։ Լապորտան ընդգծել է, որ թե՛ ֆուտբոլիստները, թե՛ մարզչական շտաբը մնում են վճռական՝ պայքարելու մինչև վերջ՝ չնայած առաջացած դժվարություններին։ Անդրադառնալով ֆինանսական հարցերին՝ նա շեշտել է, որ ակումբը ժառանգել է ծանր իրավիճակ, սակայն ներկայիս ղեկավարությունը կարողացել է կայունացնել տնտեսությունը և առաջ մղել կարևոր նախագծեր՝ ներառյալ նոր մարզադաշտի կառուցումը։
Ի վերջո, խոսելով «Սպոթիֆայ Կամպ Նոու» վերադարձի մասին, Լապորտան անկեղծացավ.
«Մենք համարձակ ենք եղել մարզադաշտի հարցում, որը թույլ կտա մեզ մրցունակ լինել։ Այլ ակումբներ կարող են կապիտալ վաստակել, և կան պետական ակումբներ, որոնք փող ստեղծող մեքենաներ ունեն։ Մենք հպարտ ենք, որ անդամներով ակումբ ենք»,– ասաց նա՝ ներկայացնելով Բարսելոնայի մոդելը։
«Մարզադաշտը բացարձակ անհրաժեշտություն էր, քանի որ եթե այդ հնարավորությունը բաց թողնեինք, ստիպված կլինեինք այլընտրանքային ճանապարհներով ֆինանսավորում որոնել»,– հավելեց նա։
Խոսելով աշխատանքային գրաֆիկի և վերանորոգման արդյունքի մասին՝ նախագահն ասաց.
Վերջին նորությունները
«Կային անկանխատեսելի բաներ. մենք աշխատում էինք երկու հերթափոխով, ոչ թե երեքով, ինչպես մյուս ակումբներն էին անում իրենց մարզադաշտերում։ Մենք պետք է որոշ շտկումներ կատարեինք։ Մարզադաշտը կլինի ամենաանվտանգը աշխարհում. այն շատ ավելի անվտանգ է, քան 2022 թվականին էր»,– հավելեց նա։
Եվ վերջում Լապորտան նշեց, որ, ըստ իր գնահատականի, արդեն բավարար աշխատանք է կատարվել մարզադաշտը վերաբացելու համար, սակայն մեկ անգամ ևս հիշեցրեց՝ հարգում է Քաղաքային խորհրդի դիրքորոշումը։
Աղբյուր՝ Mundo Deportivo
