Բարսայի կիսապաշտպանի մասնակցությունը խաղին հարցականի տակ է
«Ֆուտբոլիստ Ֆրենկի դե Յոնգն աննշան վնասվածք է ստացել իր աջ ոտքի արտաքին փակող մկանի շրջանում։ Նրա վերականգնումը կորոշի նրա մասնակցությունը խաղերին»,- ասվում է Բարսայի պաշտոնական հայտարարության մեջ։
Բարսելոնայի կիսապաշտպան Ֆրենկի դե Յոնգը ստացել է թեթև վնասվածք աջ ոտքի արտաքին փակող մկանի հատվածում։ Նա վնասվածքը ստացել է Հոլանդիայի հավաքականի կազմում՝ Լեհաստանի դեմ խաղի ժամանակ։
Թեև Բարսելոնան չի հայտարարել, թե որքան ժամանակով բացակայելու է ֆուտբոլիստը, սպասվում է, որ նա բաց կթողնի Լա լիգայի առաջիկա հանդիպումը Վալենսիայի դեմ։ Այս որոշումը, հավանաբար, կայացվել է նախազգուշական նպատակով, որպեսզի ֆուտբոլիստը պատրաստ լինի հաջորդ շաբաթ կայանալիք Չեմպիոնների լիգայի բացման խաղին՝ Նյուքասլ Յունայթեդի դեմ։
MEDICAL NEWS!
The player Frenkie de Jong has suffered a slight injury to the external obturator muscle in his right leg. His recovery will determine his availability. pic.twitter.com/E9Sd4t93Hy— FC Barcelona (@FCBarcelona) September 8, 2025Վերջին նորությունները
Որոշ աղբյուրներ նշում են, որ կիսապաշտպանը կարող է բաց թողնել մինչև երեք շաբաթ, ինչը կասկածի տակ է դնում նրա մասնակցությունը Չեմպիոնների լիգայի առաջին հանդիպմանը։ Այնուամենայնիվ, նրա վերադարձի վերաբերյալ պաշտոնական հաստատում դեռ չկա։
