Բարսելոնան պլան է մշակել Նիկո Ուիլյամսին գրանցելու համար

Ինչպես հայտնում է Sport.es-ը, «Բարսելոնան» ռազմավարություն է մշակում՝ ուղղված «Աթլետիկի» հարձակվող Նիկո Ուիլյամսի հաջող ձեռքբերմանը, ինչպես նաև նրա անարգել գրանցմանը։

Աղբյուրի տեղեկություններով՝ կապտանռնագույնները ցանկանում են Իսպանիայի հավաքականի ֆուտբոլիստի հետ կնքել վեց տարվա պայմանագիր՝ գործարքի ավելի հեշտ ամորտիզացիայի նպատակով։ Միաժամանակ, Ուիլյամսը համաձայն է «բլաուգրանայում» իր առաջին մրցաշրջանում ստանալ ավելի ցածր աշխատավարձ, որպեսզի նրա աշխատանքային պայմանագիրը գրանցվի։ Սակայն հաջորդ տարիներին 22-ամյա վինգերի աշխատավարձը իսպանական գրանդում կավելանա։

Ակնկալվում է, որ Ուիլյամսի տեղափոխությունը «Բարսելոնա» կկայանա մինչև հուլիսի 9-ը, ընդ որում՝ նրա պայմանագիրը կարող է գրանցվել մի քանի օր անց։